<<芝士波波>>
究竟香港人幾時谷爆呢?!呢幾日d中港矛盾越來越激烈~~黃師奶睇到d 新聞都谷到火滾~不過作為小市民又做到d咩呢~?!有時喺到唸~會唔會有日好似反國教咁~咁多人走去政總靜坐呢?!靜坐同遊行係咪真係有用呢?! 講真~當初係你哋冇腦衝黎生仔~家下喺大陸冇戶籍你怪得邊個?!
好喇~黃師奶見好耐冇整個芝士波波~又再整吓先~其實呢款芝士波波真係好易整架咋~將材料拌勻就得~總之大家記住啦~搓嗰時手感就係好似搓湯圓咁架咋~加水唔好一下子加哂~慢慢加到手感好似湯圓咁軟熟而又唔痴手就得~!呵呵呵~!
材料: 糯米粉100G , 木薯粉40G , 芝士碎(X夫現盛嗰PACK)55G , 牛奶70G , 糖10G, 鹽少許, 雞蛋一隻 , 牛油溶液約三湯匙
STEP 1
糯米粉同木薯粉篩1次~再拌入芝士碎/雞蛋/牛油溶液/鹽及糖 拌勻
STEP 2
注入牛奶(慢慢黎啦~唔夠再加咁~睇手感~個感覺好似搓湯圓一樣)搓勻~
STEP 3
預熱焗爐180度15分鐘~將粉糰搓成細小波波~焗至少十五分鐘~再放入高層焗至金黃即成~!~
詳情可參考: http://www.wongc9.com/