小棠菜苗炒素雞

馬航事件失蹤十幾日, 終於帶嚟不幸的消息, 大馬首相宣佈航機已經係南印度洋墜毀, 無人生還. 不過, 這件事依然太多疑團, 懸疑. 為何殘骸, 屍體仲未搵到, 已經好肯定會知道航機墜毀, 無人生還. 背後係咪有咩陰謀, 真相而對外隱瞞呢......希望大馬首相公開真相, 解開疑團.  特意奉上素菜, 為航機上所有人祈禱.

之前出深水埗, 當然會去樹記入貨啦. 素雞就係出自樹記出品, 難得買到小棠菜苗, 菜苗的甜加上素雞的豆香, 咁健康的餸, 令一向唔食素雞的家人, 都食唔停口~~~

小棠菜苗炒素雞 (2人份量)

材料:

小棠菜苗 半斤

素雞 1條

薑片 3片

做法:

1.小棠菜苗洗淨, 備用.

2. 素雞略用水沖洗, 切片, 備用.

3. 燒熱油鑊, 把素雞煎香, 盛起備用.

4. 燒熱油鑊, 爆香薑片, 倒入小棠菜苗快炒, 加1/3鹽同1/3糖調味, 將素雞回鑊, 兜勻即成. .