家裏早前買了包黃背耳, 就決定今晚用嚟加埋冬菇一齊蒸雞做晚餐. 既方便簡單又健康. 黃背耳營養價值好高, 而且用佢嚟煮餸或煲湯都一樣咁好架.
材料
冬菇 (8 粒 - 切條), 雞件 (半隻), 黃背耳 (1 飯碗份量)
醃料
生抽 (2 湯匙), 糖 (1 大茶匙), 薑汁 (1 湯匙)
油 (半茶匙), 生粉 (半茶匙)
做法
1) 雞件清洗乾淨, 抺乾水份, 備用.
2) 冬菇用水浸軟, 去菇蒂, 清洗乾淨及切條. 黃背耳用水浸軟及清洗乾淨, 備用.
3) 全部材料用醃料拌勻醃約 30分鐘. 然後放入蒸鑊中, 蒸13分鐘就可盛起食用.
請來Facebook 按 "讚好" 給我支持啦!