等左好耐終於等到0809bb 既1歲生日會啦..
呢一日我地約埋雞家同埋Jayden家2pm 到達Ocean Park...
嘩... 門口重有個announcement呀!!!
仁哥.. 你呢一日同彤彤好襯呀!!!
大家都係shocking pink!!
一到步我地就乘Cable Car去餐廳啦!!
不過因為我地太多行李, 所以唯有爸爸一部車, 媽媽一部車,
所以我地就冇乜相影啦...
只係爸爸們佢地係道自拍啦!!!
落左車... 我地見到波家呀...
波仔好可愛呀...
佢好似係道扮瞓覺, (因為佢咀角係笑笑咁架)
彤彤嘗試比個風扇仔引波仔起身,
不過波仔好好瞓, 嘈極都唔醒呀!!!
到步啦...
我地見冇乜人, 快d影下相先!!!
d cupcake 好靚呀..重好好食呀!!!
仁哥開始拍片啦...
最鍾意睇仁哥既片呀!!
我地又見到好多媽媽&BBs...
個個bb都大左好多呀!!!
個個BB都大個左好多呀...
宜家唔係BB啦..係小童呀!!!
跟住就同威威影相啦...
可能去Disney個陣同Micky佢地影相影慣左...
所以宜家彤彤冇咁怕呢D大隻既卡通人物呀!!
大合照時間到啦..
媽媽唱生日歌比BB聽...
祝所有0809BB健健康康, 開開心心, 快快樂樂地成長呀!!
.
之後到戲玉啦...
我地有得同真既海獅影相啦...
不過...原來隻海獅企左係側邊呀..
哎呀.. 影左都唔知tim...
重以為海獅係企係我地中間呀!!!
想摸都冇機會呀!!
只有波仔一個最醒目..知道海獅出左黎呀!!
睇完海獅..
我地就去左shopping啦!!!
彤彤真係好似好識買左咁喎...
買野之如彤彤重想sell埋野呀!!
Sell完野... 我地突然發覺一樣野呀..
原來波仔都好似彤彤咁鍾意咬野架..
彤彤你終於遇到勁敵啦... 哈哈哈...
休息完後, 我地又出發啦...
我地去左水母館睇水母, 順便嘆下冷氣先!!!
d 水母 好靚呀!!!
睇完水母...
我地就坐左個架剛剛開了一星期既火車去睇panda呀!!!
雖然呢架火車係新既..
不過我都唔係太suggest 大家去坐呀...
因為好嘈架...
對小朋友來說可能係有D驚嚇呀!!
不過小雞成程都瞓得好LUM呀!!!
不過坐呢架火車既唯一好處係.. 唔洗收BB車啦...
熊貓館d冷氣係super凍.....
d熊貓好懶, 郁都唔郁....
不過彤彤都睇得好入神...
睇完出黎我地快快係cable car 下面影相就走啦...
因為行緊雷啦....
好彩上到車先落大雨!!!
呢一次海洋公園一歲bb生日會之旅好成功呀...
雖然大家係有d累...
不過..見到d bb 個個都好開心呀...
見到d動物會流露出興奮既表情...
咁媽媽幾累都係值得架!!!
找日大家一起再玩過啦!!!
感謝 CCML 提供以上資料
CCML的網誌: http://ccmlfamily.blogspot.hk/
海洋公園
釜山水族館
Thormork 冰島高地
六義園(東京)
中環街市
深圳野生動物園
珠璣巷
數碼廣場