今天一早揹左彤彤去婆婆道,
因為媽媽約左契媽同埋mable姐姐去美食博覽會...
呢一個event又係我每年must go 既..
不過上年冇去到, 因為大住個肚...
而今年, 生左彤彤啦.. 梗係去啦..
其實最鍾意去既人係我同mable 姐姐..
我地一起去左好多年架啦...
而契媽, 因為怕多人既關係所以唔係年年會跟我地去din 既!!!
不過今年契媽有同我地去呀.. 因為契婆都想去啦..
**********
我地一行四人約左11:30am 係會展集合衝入會場.......
唔知係咪因為時間都算早, 所以人唔係太多...
可以行得幾舒服...
不過到左1點幾, 人開始多啦!!
不過都ok... 因為少左好多試食既人龍!!!
Mable姐姐同埋契婆買左好多湯包....
出前一丁今年買麵送車仔, 有公仔, 有行李箱等...不過好多賣晒啦!!!
有好多清仔精品tim... 有麻雀, 行李箱... 買佢d食品重有車仔送tim!!
見到菜san係鉅記....不停係d餅上面簽名...
1 元 100 魚蛋開場後30min買晒!!
其實入面買既野又唔算太平...
不過就叫個做齊d啦...
同埋多啦!!!
今年我既收穫唔算好多..
其實重有好多野想買...
不過因為屋企冇咁多位放置,
所以都不宜買太多呀!!
買左Bah Kuet Teh , 意粉醬, CALPIS飲品等...
最勁既就係買左阿SO推介既麻油... 好香架.. 我諗應該都會好食架!!!
行左3個鍾頭之後大家都好累..
要去食番d野休息一下先!!
出年美食博覽會...再見!!
感謝 CCML 提供以上資料
CCML的網誌: http://ccmlfamily.blogspot.hk/
