唔記得由幾時開始，我就知道我係一個獨孤精，定其實我自懂性已經係？
由細到大，我都唔會主動識人、唔曉埋堆、唔擅於同人Social，甚至可以話有d 自閉。
記得以前我好鍾意講野、好鍾意同人玩架，所以就算咁被動，都唔會識唔到朋友，但人越大，就越難識到真正0既朋友。
中學0既時候，我讀埋中二就轉校，由九龍去左新界，原來識落0既同學疏遠左，有keep 住聯絡開0既小學同學都無再點聯絡，到左新學校又無識到可以好多可以深交0既朋友(就算有都係男仔)，所以一路落黎都唔特別多朋友。
直到預科，我咁自閉0既性格，都竟然畀我遇到一班令我無得自閉0既傻婆......
就算往後我讀大學，出黎做野，唔同階段都識過唔同0既人，都有曾經以為係可以做一世知己，但最終都慢慢淡出或者突然撤出左我生活當中。
唯獨佢地，即使大家忙到越來越難共聚，但只要一齊人聚埋就會嘈到拆天，笑到牙骹軟，兩三個小聚果陣又可以傾好多心事，有講唔完0既話題。
九月中，其中一個結婚，終於難得地齊哂其他七個人，高高興興咁見証好友踏入人生另一階段。
不過果晚新娘子太忙喇，場地位置又唔太理想，搞到我地淨係掛住自己影，都無影到新娘子，搞到n 多部機n 張相入面都無佢影呢！哈哈！
大合照唔0向我度，貼其中幾張同好友們0既合照啦！
呢兩個係我最愛0既好友，Cathy & Amy，佢地一定係知道我最多野同見得最多0既朋友！
Gigi，同我弟同一日生日架！
Amanda，大家0既媽媽，好照顧到大家、好溫柔0既朋友。
其實仲有Helen 、Carman 同新娘子珊姐，不過我無相呀！下次再同大家介紹啦！
希望珊姐永遠幸福快樂，我地成班永遠都咁friend 啦！
好，好友結婚我當然會扮靚靚去飲佢果餐啦！
又黎是日妝容，不過我返去先記得影，有d 溶溶地，大家將就0下啦！
無閃光燈下：
無閃光燈下：
有閃光燈下：
合眼會睇到我用左幾個啡色去做層次，其實眼頭我用左米啡色去打亮，但畀我捽捽0下捽到幾乎無哂。眼線只係幼幼咁劃左一條，無特別加長。眼睫毛可以見到我梳到好齊好分明，同埋搽到好粗好密。
最後黎全妝，唔記得補返唇先影，哈！
實在係經歷成日，暗瘡都走哂出黎，大家當見唔到啦！今次個blush 我勁愛，好自然又long lasting，仍然係我最愛0既Bourjois!!!
送上鴨嘴艾莉絲一個：
好，訓喇！拜！
