光脫脫腳，早就出過post 畀大家見過，呢d 野，一次夠啦。雖然今次都係show 腳，但係...無野睇架！哈哈！
我極少出fashion 文，相信唔駛講大家都明，一個發福師奶如我，真係好睇有限啦，無謂嚇親大家。
但今次真係唔可以唔share，我對呢樣野，真係去到一個狂熱0既地部呢！
Leggings 迷 + 喱士迷 = 不斷入手
我真係成日留意有lace 0既leggings ，一般喱士邊已經滿足唔到我啦，我要全喱士！！！
可能有人會覺得全喱士會娘，但我又唔覺，只要襯得清d，其實全喱士都可以好好carry，同埋視覺上都幾誘惑呢！哈！
好，畀大家睇睇近期入手0既喱士legging 先。
呢個雖然係lace，但佢仲加左層底，所以完全唔會透到肉，遠睇會似暗花tim 呢，我多數就咁簡單襯長身衫。
如果前後都喱士，仲要有底，都真係可以幾娘，但其實佢得前面架，後面係正常黑褲咁，都幾得意呢。
呢款全白色喱士legging，我搵左好耐先合心水呢，呢個花我覺得幾清，同埋映得對腳修長d，襯清d 0既雪紡連身裙真係好靚架！
不過著得呢d 透哂肉0既全喱士legging，要注意衫or 裙0既長度，唔係就好易走光好肉酸架喇。
有時我都會用黎襯短褲，都唔錯架！
呢款黑色個紋又特別d，不過同時就難襯d囉，但就映得對腳更slim 呢！
呢個係我近期大愛呀，個花真係好特出，透肉比例又好恰到好處，同時又映到對腳好靚，仲有少少sexy 呢！
佢一樣係前喱士後面正常黑褲咁呢，咁就再型d 有性格d喇！
講真，我堅多legging，呢期迷哂喱士，好彩係以上全部都好平呢，最貴係我最愛果條，要一百蚊左右，其他都係幾十蚊貨仔黎，但都好好質素，真係買得爽快、著得開心呀！
分享到呢度，大家支持0下啦！你地0既支持就係我0既動力呢！
