7-12-2013 (第一日)
大人Ｄ老友話未去過潮州，咁啱我地又得閒，咁就約埋一齊去Hea番兩日。
今次係跟匯X旅遊，收費係$339(本來$299架，因為喺星期六出發，所以每位加40蚊)，再加兩日小費$120，合共$459，食足八餐，你都米話唔低。
先到福田口岸集合。
上咗旅遊巴往深圳灣口岸接其他團友。
![]()
途經鮜門食午飯。
食飽飽繼續前往汕頭。
食飽飽繼續前往汕頭，中途服務區小休。
![]()
中途服務區小休，發現洗手間嘅名稱好得意。
到咗汕頭，梗係要品嚐當地出名好食嘅牛丸同埋魚旦喇。
每人食咗一碗，裏面有魚旦、牛丸、魚餃、魚札同埋肉札片。
![]()
導遊話李氏三兄弟開嘅魚旦牛丸檔，最正同最好生意就係老二開嘅呢間，其次係李老大同埋李老尾。
![]()
食完好好味嘅汕頭特色野就上番車繼續我地嘅旅程喇！
![]()
![]()
先到古龍泉岩遊覽。
![]()
又到食晚飯時間喇！
食過晚飯就番酒店。
辨下大爺先。
番房放低Ｄ行理，洗過面就落番大堂等齊人出發去食宵夜。
今晚嘅宵夜係食蠔仔肉碎粥。
好唔掂，冇方魚碎，冇炸蒜油，冇莞茜蔥。
食完宵夜就番酒店，大人眼瞓到不得了，一番到去沖埋涼就眠；而我就例牌沖杯奶茶，睇陣電視先瞓！
8-12-2013 (第二日)
今日主要行程係去遊覽潮州嘅湘子橋同埋開元寺。
食咗所謂嘅早餐就上車出發。
到咗韓江，遠遠就望到湘子橋喇。
早十幾年前我地都黎過，今次舊地重遊，覺得地方整潔咗好多。
有人釣緊魚喎，我梗係睇陣先喇！
睇咗十分鐘，咁多枝竿郁都未郁過。
呢口古井我睇都有百幾年歷史喇！
果度好多牌坊。
又到咗遊客必到嘅開元寺。
![]()
跟住就去行街街買手信喇！
又夠鐘食午飯，今餐係食素齋宴。
求其爬咗半碗湯撈飯，就出番去坐番環保車出去。
出到去上番車就回程往深圳。
途中停低去食糖水，仲有條炸春劵。
我地梗係唔會食呢Ｄ喇！呢幅相只係影比大家睇下咋。
呢兩枝鐵棒係用黎打牛丸用嘅，我就攞黎攪攪震啫！
食完糖水上番車繼續旅程，途中停服務區小休，剛剛有隊重型電單車隊由北京黎，佢地都喺度休息。
行行下又番到鮜門食晚飯喇！
食咗晚飯就上車直番深圳；過埋關番到屋企都十一點幾喇！
感謝 白果魚神 提供以上資料
白果魚神的網誌: http://a991952.blogspot.hk/
