13-5-2011 (第二日)
今日主要係去【廬山】，裹面嘅景點有「琴湖」「花徑」「天橋」「錦繡谷」「仙人洞」「牯嶺一條街」同埋喺民國時期，蔣介石同佢嘅夫人宋美齡嘅避暑別墅「美廬」。
早上07:15起身，食咗早餐就出酒店外散吓步！
不遠處就見到「滕王閣」，因為我地幾日後番黎先至去參觀，今次影住Ｄ遠景先。
08:30就上車往【廬山】喇。
途中見有發生交通小意外。
經兩個多小時嘅車程就到咗【廬山】。
停咗車，導遊「小張」就落車去買入場票。
呢座入口大堂好寬濶，足足成個足球場咁大。
入到內圍景色都算唔錯，可能國內啱啱放完〝五一〞長假期，所以零舍清靜。
跟住轉乘景區內專車上山，往餐廳食午飯。
餸菜就嘛嘛喇，叫做食得飽！
食飽飯就乘景區內嘅專車進入景區。
到咗「琴湖」，風景十分清雅脫俗，另人心曠神怡。
再入「花徑」，雖然當日陽光普照，但係都好涼快，溫度只係攝氏十八度。
園內人流就比較多Ｄ。
遊完「花徑」就開始上山喇。
一路上山，一路欣賞沿途風光，睇吓【廬山】嘅真面目。
國內現時最流行嘅情人〝連心鎖〞！
黎到以前〝國共廬山會議〞嘅談判地方喇。
行到去「仙人洞」，入去要簽香油，Ｄ道史係女性黎嘅，我覺得有Ｄ神騙鬼嘅成份囉，所以冇入去，求其喺外面影吓相算喇。
離開「仙人洞」就往上爬！
導遊話呢Ｄ係叫〝野櫻花〞。
黎到〝含鄱口〞喇！點解個名咁得意嘅，因為喺果度可以望到『鄱陽湖』嘅入口囉。
有攤當喺度賣紀念品，咁我地就幫襯咗佢一個雕咗有姓名同日期嘅廬山紀念牌。
行到以前蔣介石同佢夫人宋美齡嘅別墅喇，佢地簡喺呢度避暑都幾識嘆個喎。
見到呢間野，我立即有種「門庭依舊，人面全非」嘅感覺！入面仲有好多佢地以前用過嘅物品同擺切。
喺【廬山】上，有一個自成一格嘅小鎮，叫做『牯嶺鎮』，我地就喺鎮內唯一嘅「牯嶺一條街」行吓，〝睇吓〞Ｄ土特產！
行完街街就番酒店食晚飯，今晚入住嘅喺
『廬山鑫締賓館』(準四星)。
開飯咯...今餐又係食得飽果隻！
食飽飯冇去行街，亦都冇勿好行，今日攰攰地，各人就早Ｄ番房休息喇。
各位觀衆朋友!!第三日嘅遊「景德鎮」好快推出，敬請密切留意！
感謝 白果魚神 提供以上資料
白果魚神的網誌: http://a991952.blogspot.hk/
