12-5-2011 (第一日)
今次去嘅係【江西】(廬山、三清山、龍虎山、景德鎮、婺源)七天遊 ，主要係遊山玩水，探訪中國道教聖地「三清山」，再睇埋「廬山」嘅真面目，同埋〝張天師〞祖庭「龍虎山」。我地中午一點喺吉之島門口上車，由深圳灣過關，到深圳机場乘搭下午五點果班机飛【江西】南昌机場。
旅遊巴經過香港釣〝魚仔〞聖地「流浮山蚝排」。
我地三點就到咗「深圳」机場喇。
喺呢個時候本來已經上咗机起飛架喇，點不知又話「廣州」有空中管制，要 Delay 45分鐘。
上咗机又要等一名〝貴客〞，卒知要成19:40先起飛，足足 Delay 咗兩個幾三個鐘！無奈........
晚上成九點幾先至到達「南昌」。
攞埋行理出机場，首先梗係去食晚飯先喇！
話哂係第一餐，梗係豐富Ｄ嘅，又雞又鴨，大魚大肉，有瓜有菜。
咁啱今日係「張姐」嘅生日，「麗珍」好有心，專登由香港帶咗三打壽桃包黎祝賀佢。
你睇「張姐」拎住盤壽桃幾開心。
食飽晚飯就返酒店，今晚入住嘅係「凱萊大酒店」(五星)。
我地嘅金牌領隊「廣哥」，一早安排好，喺酒店掟咗個生日蛋糕，祝賀「張姐」生日快樂！
大家一齊唱生日歌。
喺酒店大堂攪咗一輪，食埋蛋糕就各自番房休息喇！
第二日嘅行程，好快就推出，敬請留意！
感謝 白果魚神 提供以上資料
白果魚神的網誌: http://a991952.blogspot.hk/
