8-5-2011 (星期日)
今次參加咗中國X蹤嘅一天團，午餐去品嚐
〝豬肚包雞特色宴〞、乘搭一段由「南朗」
至「中山」嘅最新【和諧號】廣珠輕軌列
車、再去「南沙十九涌」參觀該處嘅海鮮、
海味水果土特產墟、晚餐「十九涌海鮮
宴」！費用每位$238連小費。
晨咁早就到咗興民街嘅集合地點，原來有人
仲早過我地，就係喺果度擺賣嘅天光噓市！
06:10開車出發。
沿途風景。
今次架旅巴好大架，係新款旅遊巴，車身好
高，可乘載56人，我地團50人都仲有位剩，
司机位喺下層，客就喺上層，可以清楚Ｄ睇
風景。
中途落車小休。
之後繼續行程。
參觀蘆薈美容世界「購物」！
食午飯咯!!呢煲就係所謂「豬肚包雞」喇，其
實係個湯尼，不過都好好味，豬肚夠霖，雞
肉嫩滑有雞味！正~
乳鴒飯就走唔甩啦，我食咗兩碗！正~
加湯再加Ｄ雜丸，仲有大大塊番薯片。
食飽飯去蒙古村，吓!!廣東都有蒙古村？講到
尾都係「購物」！
有個穿著蒙古服飾嘅〝少女〞唱歌，送完
〝安答〞手中嘅黃絲巾就開始賣野喇！
跟住去乘最新【和諧號】輕軌列車，由南朗
往中山。
我地坐二等座，南朗至中山。
進入車站都要經保安檢查。
好先進嘅自動售票机。
上咗候車月台喇。
原來我地呢班車嘅終點站係廣州南站，咁唔
係可以接博埋去武漢囉！
有車到喇。
開出嘅地點係珠海北，終點係廣州南站。
車外嘅景色！
時速至快都係196公里，慢過高鐵一Ｄ！
用咗八分鐘就到咗中山站喇！
出咗站就等番果架旅遊巴，趕尼接番我地。
足足等咗成個鐘架旅遊巴先黎到，個導遊話
唔夠時間去下一景點「杏林仙蹤」(購物)，問
我地可唔可以直接去南沙十九涌！嗯!!唔使去
悶喎，我地梗係舉腳讚成喇。
往十九涌沿途景色。
黎到十九涌喇。
國產美少女。
涌上停泊嘅魚船。
我地到此一遊。
海味街。
我好小可行呢Ｄ街，見有好多大咸魚，所以
覺得好新奇。
認得喇!!係花鱸咸魚，我就同大人講:「不如
將我釣番尼嘅花鱸都晒成咸魚咯」！大人即
刻話:「你諗都唔好諗呀，想臭屎我牙」！跟
住我就~~!!!!!
行到攰攰地，入去整碗野食，順便坐吓抖
抖。
我就食雙皮奶，大人就叫咗碗綠豆沙，兩樣
都好好食，好有水準喎！
睇佢個滿意樣，就知碗綠豆沙好正喇！
又貢番出去行生果街。
呢Ｄ係叫做火龍蕉。
當地商人好識做生意，可以比任試任食。
再去行海鮮街。
呢條斤零重嘅紅鮋賣50人仔。
呢個好樂意比我影佢喎！
當地特產嘅番薯，叫做一點紅。
影吓呢度嘅牌頭先。
行到街尾，就見有Ｄ擺地灘賣咸魚仔嘅小販
喇。
行到夠鐘，就黎到呢間酒樓食晚飯。
酒樓後面嘅景色。
開飯咯!!先黎一個咸水蓮藕煲豬骨湯。正~
再來我最鐘意食嘅白切雞。正~
白灼基圍蝦。
紅燒鯇魚腩。
勝瓜炒鮮尤。
咸水蓮藕炆五花腩！正~
清蒸春天邊魚。正~
粵式麻婆豆付。
食飽飯就慢慢行番出去上車，Ｄ女人途中見
到心水野，又走埋去貢吓。
呢度都有望海樓酒店？睇真Ｄ原來係會所。
都係時侯上車番香港喇。
番到香港，架旅遊巴喺番西灣河比我地落
車，番到屋企都係11點咋，咁就結速一日嘅
行程喇。
