出發日期:
31-7-2011 (星期日) 「第一天」
我地由羅湖口岸過關，滙合接待我地嘅『美食X旅』，09:00就上車出發喇。
經過好多收費站。
又經過幾條隧道。
兩個幾鐘車程就到咗廣州外圍「番禺」喇。
呢個係亞運選手村。
一路都見有好多奇特嘅建築。
呢度好似係「市橋」喎。
喺市橋「石基」果度食飯。
下面嘅廣告菜牌，正牌生草藥〝UP得就UP〞！
鵝就過得去咁喇，但Ｄ團友話唔夠味。
呢個雞就唔掂喇，喺廣東點會食炆，唔白切都鹽焗喇，仲係冇雞味果隻，我諗係雪雞尼添喎！
呢味就好特色，用〝棚棋〞黎炆冬瓜。
紅燒茄子一般啦。
蒸魚就有Ｄ特色，須然係好啖口嘅加州鱸，但係起咗肉切片黎蒸，又幾滑喎！
呀!!冇影Ｄ飯添!!Ｄ飯黑嘛嘛，好似回到70年代咁，激屎。
呢味就係〝UP得就UP〞果個廣告嘅白貝蒸虫草雞蛋喇。
食飽飯，就上車繼續行程。
呢架停喺河邊嘅船，係米等拆呢？
沿途仲有Ｄ過氣亞運嘅氣氛。
嗯!!開始見到廣州塔喇。
先去城隍廟參觀。
果日又晒又熱，所以係咁椅參觀完城隍廟，就上車往廣州塔進發。
呢條叫『猎德』大橋，好靚喎。
到喇到喇，今次黎廣州嘅目的，就係參觀呢座高433.2米、108層嘅廣州塔【小蠻腰】。
經過安檢就進入塔內。
複雜嘅鋼管結構。
上到黎108層，就梗係要影番幾幅相留念喇。
望番落去都唔係好高啫！
出玻璃橋度感受吓433.2米嘅高度先。
望番落去下面嘅珠江。
遠挑『猎德大橋』。
高度同層數。
遊完小蠻腰，就去乘搭無人駕駛嘅地下鐵。
都有好多個站喎。
上咗車，簡咗車頭位，可以見到行車隧道內嘅情景。
跟住去食晚飯。
餐前食品！
呢盤鵝先夠食加嘛，經過我地嘅投訴，今餐Ｄ飯就靚Ｄ喇。
喺廣東梗係食呢Ｄ雞喇！
老火湯唔少得
茶葉蝦。
入住廣州老牌酒店『白天鵝賓館。呢款電視喺香港仲有冇人用呢！
須然有卅幾年，但係保養得幾好。
攞咗房冇出去行街，落咗泳池游水，跟住番房覺覺豬喇。
仲有第二日嘅行程，請各卜友留意。
感謝 白果魚神 提供以上資料
白果魚神的網誌: http://a991952.blogspot.hk/
