大人約埋班朋友，參加「中國遊X」，由陸路去【澳門新濠天地】，睇『水舞間』嘅演出。
12-6-2011 (第一日) 06:20
喺西灣河上車出發，果朝橫風橫雨，好彩好快就上咗旅遊巴士，由最麻煩嘅兩地兩檢「皇崗口岸」過關。
九點半已經去到虎門大橋，黎到呢度又冇雨落囉喎。
虎門炮台。
經南沙。
中途停車小休。
經中山。
停咗雨好天喇。
經四個多小時嘅行程，就到達「珠海橫琴口岸」過關，進入澳門。
過咗關就乘專車去新濠天地。
十幾分鐘車程就到喇！
一入到去就見有個大營幕，有條美人魚游來游去。
今日午餐自費，未解散前，領隊帶我地認住Ｄ地形先，一陣喺邊睇表演，一陣喺邊食晚飯。
之後就各自揾食，我地就撘番專車落氹仔市區。
首先入去食碗翅先。
唔夠飽，跟住再去食個豬扒包。
食飽飽，各人買完手信又撘番專車番『新濠天地』。
等車時有工作人員派記念品(鎖匙扣)同宣傳報。
啱啱美人魚又游出黎，即刻同大人一齊影番張相先。
呢位澳門至好朋友真係唔話得，知道我地過黎，即刻就黎同我地見面，仲倍到我地17:00夠鐘入場先至拜拜！
仲未夠鐘入場，一齊四週圍行吓，都幾多野睇喎！好似呢件衫咁，就係貓王皮禮士利著過個喎！
呢個結他又話 BEE GEES 用過喎。
呢個水晶球又大又靚！
同澳門朋友講完拜拜就入場睇水舞間嘅演出喇。
開始囉喎，故事內容都係講英雄救美果Ｄ喇！
高台跳水。
公主比妖婦困住。
好多佈景係由水中出黎，又由水中消失。
過一陣深海變成陸地。
陸地又變回深海。
有個英雄去救美。
呢個亞洲面孔嘅人好打得。
揪櫏飛人，DC仔影唔到。
又可以縮小成水池。
激光投影。
仲有電單車跳台表演。
喺咁細嘅場地都可以喺空中跳來跳去，真犀利！
軟骨功。
又黎集体跳水。
所有表演人員出場謝幕。
睇完表演就行過去餐廳食自助餐，Ｄ野嘛嘛地嘖，所以連相都唔記得影。
喺【澳門】經過一天開心嘅行程，食飽就出去上番專車，送我地去「關閘」過『拱北』。
喺呢度我都分唔清係內地定【澳門】喇！
過到珠海就入住帝濠酒店。
13-6-2011 (第二日)
求其食過早餐，就出發今日嘅【地獄】行程喇！
先黎第一購物景點，旅行國內，每逢有購物點都會去嘅『寶X堂』，我都唔知去過幾多次，一入到去，冇你咁好氣，簡個靚位，跟住就大覺索。
一覺醒來上車又去第二購物點『蘆薈園』，我就繼續瞓。
瞓醒上車去『三鄉』食中午飯。
原來三鄉出名嘅豬肚雞喺有分豬肚包雞同豬肚煲雞嘅！今餐係食豬肚煲雞。
冇上次食嘅豬肚包雞咁好味！雞冇雞味，仲鞋拾拾添。
Ｄ什丸都係唔夠新鮮！跟住爬咗兩碗乳鴿飯，填飽個肚就算。
食飽飯上番車去第三購物點『綠野仙踪』，果度係賣靈芝草菇野菌嘅，入到去仲冇冷氣添，瞓都冇得瞓，一聽完佢講解，即刻標番出黎好過。出黎快有勿野用吖！依家Ｄ售貨員，會追上車繼續游說Ｄ客買野嘅。
攪咗一大輪，就開車往第四購物點『杏林仙
踪』買名貴藥材。
卒之捱過今日四個購物點，開車往深圳，踏上歸程。
喺東莞停車小休。
途經『虎門』鴉片戰爭博物館。
18:00就到深圳，又喺皇崗過關，番到西灣河都係晚上八點咋！
後記:呢次嘅旅程，一日天堂，一日地獄，主要喺去澳門睇水舞間呢個精彩表演，不過全冇景點，有嘅係購物點，不過都預咗架喇。正所謂一分錢一分貨，團費連小費都只不過係九百蚊，又食又住又車，仲想點喎！
感謝 白果魚神 提供以上資料
白果魚神的網誌: http://a991952.blogspot.hk/
