14-4-2011(第二天)
今日07:15起床，喺酒店食早餐，08:30出發往第一個景點「燕岩」。
果度其實係一個山洞，洞長660米，最寬處95米，洞頂呈拱形，洞內有石柱、石筍、石鐘乳、石幔等！仲會睇埋攀岩採燕窩嘅表演。
沿途山明水秀。
09:35到咗目的地「燕岩」喇！
「燕岩洞」嘅洞口在望。
入洞前影番張靚靚相先。
呢條係電單車行車道黎架，可以通往山洞另一邊嘅出口。
有車黎緊喇，行埋一便呀！
「燕岩」洞內嘅怪石。
一路都要用電筒照住路行，望到出口喇！
洞內都幾暗吓架！
到咗洞嘅另一出口。
擔番張蹬仔，霸番個頭位，准備睇「燕岩」第一師傅採『燕窩』。
有個人開始由Ｄ竹度爬上Ｄ岩石度喇。
爬吓上去停一陣，再爬番落尼，亳無難度，咁就當採咗燕窩喇，揾笨嘅表演。
跟住沿路走回入尼果度，上番車去食午飯。
今餐午飯食農家宴，一有農家宴呢個排頭，就知餸菜好極都有限。
好彩都有雞。
蒸釀豆腐。
清蒸鯇魚。
食飽飯，行出餐廳外，喺池塘邊，見到呢Ｄ叫做〝番鴨〞。
跟住上車前往景點，有獨特『喀斯特画廊』特色嘅「世外桃園」。
12:30到咗目的地。
呢度同古時嘅偉大詩人【陶淵明】有咩關係呢吓！
既然有【陶淵明】個像喺度，就點都要同佢影番幅相嘅！
呢度嘅風景，與外界真係截然不同喎！
又有個可以行「電單車」嘅山洞。
行完景點就番酒店，今晚入住嘅係新麗都酒店。
大人同老友都話好肚餓，夠鐘食晚飯囉喎！
今餐喺番酒店食，餸菜都唔錯，仲有餐餐必備嘅老火湯添！
食飽飯，同成班老友出去行街街，大人因為要番房追〝韓劇〞，所以冇同我地出去。
經過附近Ｄ酒店都幾靚吓。
行咗半個鐘度，一路行到黎呢個食街果度！
見到有一檔叫做【文廣屎坑粥】嘅大排檔，個名咁得意嘅！咁就埋去坐低，睇吓咩叫做【屎坑粥】先。後尾問老板娘，佢話貪個名得意Ｄ喎~
用蝦、蟹、同豬骨煲成嘅粥就叫【屎坑粥】喇，每碗5蚊人仔，我地叫咗兩碗，佢就一煲上埋，仲比夠碗我地分黎食添，又幾好味喎！
食完我仲外賣咗碗粥番酒店，招呼吓大人添。
竹篙陳村粉，12蚊人仔，好大碟呀！
睇吓呢隻蟹，係米好巨形呢........
番到酒店，一心攞碗外賣粥孝敬吓大人，諗住有醒添，點鬼知佢聽到呢碗野係叫【屎坑粥】，佢就已經唔想食，食咗兩啖就話〝把鬼〞，跟住就唔食喇，真係冇哂引，為有等我食埋喇~
第三日行程，即時推出，敬請留意！
感謝 白果魚神 提供以上資料
白果魚神的網誌: http://a991952.blogspot.hk/
