18-5-2011 (第七日) 回港篇
因為晏晝先上机，所以早上可以去埋附近嘅【滕王閣】參觀吓，仲可以食埋中午果餐添！
07:00起床，食過早餐，09:00出發往今次旅程嘅最後一個景點【滕王閣】。
到咗「西江」之濱。
由於【滕王閣】距離酒店好近，唔駛半個鐘就到！
落咗車，見到有個大叔喺江邊釣緊魚。
睇黎呢位大叔個樣好似好唔友善咁喎，都係嗱嗱聲影兩幅就鬆人喇！
【滕王閣】係中國三大名樓之一，分別係『黃鶴樓』、『岳楊樓』、同埋佢。
等緊買入門票其間，有兩個團友喺度話賣廣告喎！男嘅係我地呢次旅行團嘅召集人「白大哥」，女嘅係日行千里嘅女超人「勝姐」。
我地嘅金牌領隊「廣哥」。
入到場內，見有好多銅雕塑。
又見到超大朵嘅「白玉蘭」，情不自禁又同佢影咗幾幅相！
同大人整張高抄先！
呢度近期番新咗，所以顏色都好光鮮！
要行幾十級梯先上到黎。
整番張到此一遊先。
有冇人識呢四個字呢？
入到去大堂正中，見呢個雕刻又有段古嘅！
租龍袍，坐龍椅影相，我地冇人去幫襯！
上到黎頂層，有一個舞台，準備一陣表演『唐朝』嘅樂曲。
好靚嘅『唐朝』飛天瓷畫。
近代「景德鎮」送比呢度嘅兩幅瓷畫，話係出自名家手筆個喎！
行出去外面走廊影吓風景先，背景係「西江」大橋同『南昌』市。
「張姐」話呢個位置影出黎好靚喎！
勿都影吓。
上番頂層睇表演「唐朝」音樂。
唔知點解，【江西】Ｄ藝人，都係素顏出場表演嘅，個個都好似未瞓醒咁！
加上木口木面，毫無睇頭，我就真係唔識欣賞。
之後續層行吓，睇有咩發現先得。
呢Ｄ木雕詩詞，唔知講勿。
國內好多野都係話第一嘅！
落咗樓就出去週圍行吓Ｄ花園先。
我地喺水池玩梅花樁。
出到停車場，上番車去食午飯。
喺呢間酒店食午飯。
「張姐」係長者，好多門票都有優謂，導遊「小張」就比番Ｄ優謂差價佢。
今餐都係食埋呢Ｄ下價野！
食飽飯就上車往机場喇。
往机場途中經過「西江大橋」。
呢個摩天輪咁似『英國倫敦眼』嘅！唔通呢個叫做「南昌眼」!!
今日唔塞車，唔使一個鐘就黎到「南昌」机場。
好少河準時登机。
又好準時起飛。
飛兩個零鐘，喺四點九就到咗「深圳」机場喇！跟住上番黎接我地架旅遊巴，往「深圳灣西部通道」過關。
六點已經過埋關到香港，番到屋企都係七點咋。
後記：今次喺呢七日嘅旅程裏面，天氣十分之好，有靚山有靚水，古今文物都好精彩，酒店都算OK，領隊廣哥就不在話下，梗係冇得彈喇！為獨是伙食就差咗Ｄ，不過都食得飽，個個團友都好開心，今次就比80分佢喇。
感謝 白果魚神 提供以上資料
白果魚神的網誌: http://a991952.blogspot.hk/
