17-5-2011 (第六日)
今日係遊「張天師祖庭」嘅【龍虎山】，乘坐竹筏沿「蘆溪河」漂流，欣賞「仙水岩」景區。
07:00起床，食過早餐，08:30上車出發。
往【龍虎山】沿途嘅景色。
呢Ｄ唔知係唔係用黎做大炮嘅呢！
好多鴨仔喺呢處度假喎。
開始見到有河流喇。
唔怪之得咁鬼塞車喇，原來有大型車輛發生交通意外。
比預定時間慢咗成個鐘先黎到「鷹潭市」。
由「鷹潭市」入到尼【龍虎山】都要九個字車程。
一到埗首先就去食個所謂中午飯先！
叫做食咗〝午飯〞，就入【龍虎山】景區。
我地喺度要等乘環保嘅列車進景區。
駛緊黎呢Ｄ就係環保列車喇，都幾靚喎。
上咗環保列車進入景區喇。
呢度嘅地質都係丹霞地貌。
山腰做緊環山棧道喎！
仲要穿過山窿！
經過都有Ｄ景點架，不過我影唔切。
到站就同大又影張相留念。
一路行都有售賣記念品嘅灘檔。
行到黎蘆溪河喇，我地就係乘坐呢Ｄ竹筏漂流，去欣賞Ｄ奇岩怪石。
每人都要穿上所謂嘅〝救生衣〞。
喺中午猛烈嘅陽光底下，Ｄ女士個個都打傘遮陰。
黎到呢度，有Ｄ水上小販喺度賣小食，有Ｄ似泰國水上市場感覺。
呢個小販賣嘅係粟子。
呢位大姐賣嘅係糭。
隔離架〝艇〞有人幫襯喎！
岩石中間嘅烈逢，係古時放先人嘅棺木地方，叫做〝懸棺〞！
隱約都見到Ｄ野嘅，係勿就睇唔清喇。
呢度Ｄ溪水，比『福建武夷山』果度嘅「九曲溪」平靜好多，冇咁喘急。
過了一彎又一彎。
我地普通人就坐竹筏，內地一部份富起來嘅人乘坐嘅係有蓋船，唔怕日晒雨淋。
呢座岩石就係【龍虎山】「拾不得」嘅其中一個不得，『仙桃吃不得』喇！
相傳係「齊天大聖孫悟空」，偷食『皇母娘娘』嘅千年蟠桃果陣，一個唔小心，跌咗個蟠桃落黎凡間，就變咗呢一座岩石喇！
呢個洞唔知係勿窿呢？
埋岸喇，都游咗有九個字〝筏河〞喎！
上咗岸，我本來想沿梯級上去望過對面睇〝懸棺〞，但係大人話呢Ｄ野唔好睇喎，所以我地冇上去囉。
Ｄ人就係喺呢度望過對面山睇〝懸棺〞喇！
〝懸棺〞擺放喺「仙山琼閣」中間嘅烈逢度。
呢度「上不得」!!
呢度係同『丹霞山』嘅【陽元石】齊名嘅，你地話似勿野呢？
係「要不得」！
我地仲要再乘船過對江。
有表演古時點樣將棺木吊上去半山嘅石逢度，不過就唔啱時間，所以冇得睇。
喺呢張「拾不得」圖旁邊，影埋到此一游就上番車，往返『南昌』喇。
經兩小時車程到咗塔城。
近黃昏先至返到『南昌』。
一到埗，先去果間叫做「柴米油鹽」嘅餐廳食晚飯，Ｄ餸菜本來不足一題，不過唔講呢個好似隔夜餸咁都唔得，我對個女待應講，點解呢隻雞有兩個雞頭嘅(本來想優佢一默)？點知佢仲優默，佢話兩個雞頭就少囉，有Ｄ四個雞頭都有呀！比佢吹到我啤........一聲!!!。
呢味〝借屍還魂〞，Ｄ連藕好似煲過湯嘅咁樣，冇尼味道。
今晚入住番頭一晚嘅凱萊大酒店(五星)，番到房即刻攞Ｄ架生出黎開餐，公仔麵加豆鼓鯪魚，再整杯奶茶！
食飽就落街行咗陣，跟住就番黎休息喇。
聽日係回港日，因為晏晝先上机，所以早上可以去埋附近嘅滕王閣參觀吓，仲可以食埋中午果餐添！名位敬請留意下篇。
感謝 白果魚神 提供以上資料
白果魚神的網誌: http://a991952.blogspot.hk/
