韶關武廣高鐵三天之旅(3) 回港篇

韶關武廣高鐵三天之旅-(第三日) 4-2-2011

今日係大年初三，又係07:30食早餐，係喺酒

店餐廳食圍餐，都唔錯喎！

08:30食過早餐，導遊帶大家由酒店步行過去

溫泉區。

噚晚酒店有好多人燒煙花，仲有舞龍舞獅添喎

！不過我好眼瞓，所以冇出黎睇。

果個溫泉區，原來就喺酒店背後，一轉過黎就

到喇！

當地居民就地取材，大把熱水洗衣服。

呢位呀太仲犀利，拂Ｄ滾水〝陸〞油菜添喎！

跟住行過少少，我地一人有四隻土雞蛋，揾Ｄ

泉眼，齊齊玩烚蛋。導遊話：「用温泉煮出黎

嘅蛋，吸收泉水之精華，不但營養豐富，仲好

滋補喎」。

Ｄ温泉水流出條河度都好熱架！

齊齊除鞋落去浸吓腳先！

嘩!!呢對飛毛腿係邊個黎架！

對岸Ｄ當地人用熱水劏雞殺鴨！

原來我地喺度烚蛋嘅地方係叫〝蛋趣泉〞。

烚完蛋，浸完腳，就步行過去遊覽元代興建嘅

【蝸牛塔】，明代興建嘅【仙人橋】，呢次就

遠咗Ｄ，足足行咗45分鐘先到。

經過當地嘅政府机購。

熱水澡堂。

行到氣都咳，卒之黎到蝸牛塔喇！

大人喺仙人橋上。

睇完古蹟，我地就開始踏上歸程喇！13:00喺途

中嘅翁江飯店食中午飯，食飽繼續行程。

回程途經【五馬寨生態園】，我地就停車入去

參觀，仲有由園內營養師調配嘅靈芝湯水免費

享用添喎！

呢Ｄ就係園內種植嘅靈芝喇！

飲完湯就繼續行程，又見番前日我地都到過嘅

「南華寺」喇！

睇落今日人流多咗好多咁喎！

車到咗途中嘅服務區，大家落車休息吓，今晚

會晝Ｄ食飯，所以揾Ｄ野食吓先。

落到「深圳」都成八點幾九點喇，好彩之前

食咗個包，唔係就餓史囉。喺呢間酒樓食埋

晚飯，就由番「皇崗」過關番「香港」。中

間有段趣事，話說我地由皇崗過咗大陸海關

，乘皇巴過埋香港個海關，香港個領隊就叫

我地喺度等架旅遊巴黎接我地，我就覺得奇

怪，就同佢講：「唔係搭番皇巴出去嘅咩」

！佢先至再打电話聯絡番個司机，先知架車

喺外面等我地，好唔好意思咁同我地講：

「我地依家去搭皇巴出去」！我心諗，點解

依家Ｄ領隊咁唔專業架~

喺落馬洲上咗旅遊巴，一路番到西灣河，番到

屋企都成十二點喇。