16-5-2011 (第五日)
今日遊嘅【三清山】，係我今次黎江西嘅目的，睇吓佢同黃山、張家界等有乜分別。
06:45起床，食過早餐就攞齊架生(行山手扙、水、熱能食品)，出發往【三清山】喇！金牌領隊「廣哥」話:噚晚落過雨，今日睇景就最靚。
喺度做吓熱身先。
行過少少就到入口喇。
先黎張大合照先。
山上有煙霞，正~
背景好似幅國畫咁樣。
今次安排不走回頭路，我地坐新纜車上山，遊畢後將會喺山嘅另一邊，坐舊纜車落山。
老友一齊乘纜車登山。
嘩!!上咗一半Ｄ景已經咁靚。
可適喺纜車裹面影，玻璃有Ｄ反光。
顏色鮮艷嘅登山纜車。
影低幅地圖，唔怕迷路！
開頭我都好擔心Ｄ棧道揾唔揾陣。
行行吓呢種危机感，就比秀麗嘅風景所取代。
簡直係人間仙景~
慢慢行，細細欣賞風景。
『巨蟒出山』。
每個高度睇條蟒蛇都唔同嘅。
呢個山嘅特色係比其他名山嘅植物多。
遠觀環山棧道，有Ｄ似巨人嘅腰帶。
棧道途中都有好多樹橫生咗出黎，遊人行過都要向佢低頭。
『司春女神』。
喺呢個位置休息咗一陣。
因預算集合嘅時間關係，我地要用卅分鐘上去睇〝玉女〞點樣〝開懷〞法！
喺預定時間上到黎，『玉女開懷』原來就係咁架咋!!
大人話:唔係你仲想點呀~
上到黎同仙景一樣。
背景係馬頭石。
萬山奇松，眼界大開。
行番落滙合點食中午飯「農家菜」，見到Ｄ餸就唔開胃，爬咗兩啖飯就放低筷子喇！
草草食咗午飯就繼續行程。
呢段路行得好舒服，都係上吓落吓，唔使爬坡！
企鵝献桃，簡直神似。
財神石。
山中好多野生蘭花。
手指公！
睇真Ｄ原來係合掌石。
狐狸啃雞。
行到黎一線天喇，我地咁拂，兩個人拍住都行得過。
靚景。
玻璃橋!!下面幾百米深，胆小者勿企。
唔怕佢千步天梯，我地越行越起勁。
大人行得好快，我追唔上，見條橋咁特別，唯有自拍喇。
嘩!!Ｄ霧湧住上黎喎。
一陣Ｄ霧又散哂。
原來大人喺棵奇松度等我。
形狀似蓮花。
山石間嘅植物雙影成趣。
用登山手扙行好好多。
同一地點，畫面分分鐘都唔同。
呢個位嘅玻璃橋仲得人驚，下面係萬丈深淵！
我地冇有怕。
過吊索橋時，有班年青人喺度專登摇果條橋，後尾比Ｄ長者鬧！
石上都長滿松樹。
呢度Ｄ樹木都好茂盛架。
Ｄ霧又黎喇。
開始向下走。
望過對面嘅棧道若隱若現。
生長得好K形嘅怪樹。
我話呢度先正適係一線天。
斷層構造。
神童負松。
到咗西海岸景區。
停低食Ｄ早餐剩餘物資。
跟住就乘舊纜車下山。
最後影番張相留念。
上番旅遊巴落山。
三國誌【趙子龍】嘅故鄉「常山」。
遠處有人放鞭炮。
番到酒店喇！今晚入住【三清山】腳嘅『玉臺國際酒店』「四星」。
攞好房間就落餐廳食晚飯，今餐都過得去喇。
今日都行得幾攰下，一食飽飯就各自番房休
息，我就梗係嘆埋杯奶茶，睇陣電視先至瞓
喇！
聽日係第六日，敬請各位密切留意！
感謝 白果魚神 提供以上資料
白果魚神的網誌: http://a991952.blogspot.hk/
