韶關武廣高鐵三天之旅-(第二日) 4-2-2011
今日係年初二，七點起床，七點半到酒店餐廳
食自助早餐，都幾多款式，唔錯！
食飽飽就出酒店外等上車，見仲有Ｄ時間就喺
附近逛吓！
呢度係北江源頭，噚晚就係喺呢度放煙花，放
足45分鐘嘅地方。
08:30上車出發，遊覽廣東四大名山之首，有
〝中國紅石公園〞之稱嘅【丹霞山】。
依家上山有索道，包來回每位收70蚊。回想廿
多年前，要自己行上山，足足要行成兩個鐘，
Ｄ路有Ｄ都幾險要吓添。
每卡車有四個車廂，每個車廂坐六個人，車又
少，所以等車都等咗廿分鐘。
有車黎喇，大家準備呀！
上咗纜車喇。
望落山下嘅景况。
唔使10分鐘已經上到山頂喇，不過係咁椅都要
行番幾十級樓梯嘅，上到去就聽導遊講神話！
遠處望見呢個亭，就係我廿年前到過嘅『觀日
亭』喇！
背景係「僧帽石」、「片鱗岩」、「寶珠峰」。
再上埋呢個「長老峰」嘅最高點【韶音亭】
一覽『丹霞山』嘅180度全景。
你地見唔見石蓬中間有Ｄ樹枝放喺度呀，
就係有Ｄ人話揾〝靠山〞喎！
遠眺【丹霞山】下嘅『錦江』。
到此一遊。
遊畢【丹霞山】，落番去食中午飯。
在餐廳魚池養住嘅「西江」特產『魽魚』，團
餐都經常會食。
呢Ｄ係『草鯇』，今次我地嘅團餐都有食，
清蒸都唔錯，夠晒鮮甜嫩滑！
食飽飯就到陽元山，觀賞〝天下笫一奇石〞
【陽元石】。
〝自費〞【錦江遊船】又係70蚊，不過我地有
一半人都冇去，咁就先行上山。
【陽元山】正門。
呢舊野就係〝天下第一奇石〞【陽元石】喇！
我地一路上到『乾元亭』，呢度取景最靚。
有好多內地人黎拜呢舊石架
，話拜咗就有仔生喎！
