15-5-2011 (第四日)
今日係去睇【月亮灣】嘅晨曦，中國最美麗嘅鄉村【婺源】，同埋思溪、延村。
早上07:15起床食過早餐，見重有Ｄ時間，就同大人去酒店嘅花園散吓步，影吓相先。
呢棵桃好多桃仔喎。
之後出發去月亮灣，唔使半個鐘就到喇。
呢個月亮灣同北彊喀納斯果個月亮灣就爭得遠囉。
我地企喺山上睇緊風景，特然見有個漁夫出湖網魚，咁就嗱嗱聲跑落去湖邊影相喇！
嘩!!影到漁翁撒網呀！
冇魚嘅？
再黎多次先得。
打打吓魚駛架艇埋黎做勿加伙呢！莫非想收陀地~
原來接埋佢個愛人出去幫手。
佢話擺個靚甫士比我地影，日後晒咗幅相，比導遊扲番黎比佢喎！
到此一遊。
又上番車前往「李坑」參觀。
有竹筏載你入村唔駛行。
我地志在黎行吓，所以冇人幫襯。
由呢度進入景區。
路旁好多灘檔賣紀念品。
再經過停車場先至入村。
睇入去好似好靚咁喎！
小橋客棧。
由我地胯下穿過。
每一户都有私家橋通過去嘅。
洗衫點解唔番屋企用洗衣机嘅！攪到Ｄ河水污槽哂。
李瑞材故居(我都唔知佢係勿水)！
門眉上嘅石雕。
磚雕。
木雕。
清朝五品官嘅府第。
上樓都要收費，唔好去搶！
咁樣都有~
大人話唔上去喎！
睇完大夫第就行番出街繼續參觀！
呢個亭唔知勿來頭，比人乘涼咋掛。
呢條真係舊橋！
咁都有魚釣？有都唔方大喇。
呢間就威猛喇，係「南宋」武狀元住過架！
叫做魚塘屋。
真係有好多魚架，。
往山丘行上去。
大人買咗塊〝樟木〞，佢話好大陣〝樟木〞嘅香味，可以防虫。
點知過咗兩日，塊所謂〝樟木〞就冇哂味喇，同普通木冇勿分別，大人比人揾咗笨！哈哈~
居高臨下睇「李坑村」
呢度經過冇入去。
兩隻守門大將軍。
小童又喺度釣魚仔。
行完「李坑」，跟住去食午飯。
都係食得飽！
魚塘屋嘅錦鯉.......唔好預我。
至正呢味喇！
食飽飽就上番車去參觀「思溪」、「延村」。
思溪延村入口。
呢個大算盤用黎做勿野呢！可能係風水陣掛。
呢條村住嘅係生意人，唔怪得村口有個大算盤喇。
睡蓮池。
呢個福字好特別。
呢條村幾吧閉。
過咗呢條橋就係延村喇，係讀書人嘅村。
咁多聖旨嘅，都唔知真定假。
Ｄ巷好窄。
好有大宅門嘅感覺。
Ｄ巷好窄，避免抬橋時撞到，所以Ｄ牆角係圓嘅。
吉祥物〝老鼠〞。
仲有茶居添喎。
我地行截徑出村，起碼快廿分鐘。
幾快出到停車場(其實喺比兩蚊坐環保車)！
我地上車去今次旅程嘅主打目標【三清山】喇！
沿途風景。
經兩個半鐘車程就到咗【三清山】腳喇，我地今晚入住嘅係「水雲山莊」(四星)。
大家攞好房間，洗個面，就出去Ｄ商店度買登山手扙，聽日上【三清山】時用嘅。
買完手扙跟住就食晚飯喇。
先黎香港式茶道(洗碗洗杯洗筷子)。
有前菜添喎！
跟住果Ｄ餸好素，睇落呢餐又要撈湯喇！
呢碟就肥到冇朋友！
點解隻雞條頸咁鬼長嘅？
須然係〝炸恐龍〞，不過至好味係佢囉！
食飽飽就各自番房早Ｄ休息喇，抖足精
神，聽日攻上三清山。
請各位密切留意下一篇（第五日）。
感謝 白果魚神 提供以上資料
白果魚神的網誌: http://a991952.blogspot.hk/
