今年第一篇網誌!!首先向大家拜年！
祝大家新年快樂！恭喜發財！萬事如意！ 身
體健康！
韶關武廣高鐵三天之旅-(第一日)
3-2-2011
果日係兔年大年初一，晨咁早，我同大人就
去到集合地點等上車。
上咗旅行社安排好嘅旅遊巴，就往黃崗口岸
出發。
到咗落馬洲就轉乘最麻鬼煩嘅皇巴去關口過
關~
過咗兩個海關(香港同內地)到黃崗！
唔知點解初一都會咁多人去旅行嘅？
因為人太多，好唔容易，先至揾到內地接我
地嘅旅遊巴。
旅遊巴轉上深廣高速，載我地往廣州南站乘
高鐵，感受極速之旅。
在高速公路途中嘅風光。
經過有隧道，又有垮海大橋。
經兩個幾小時就到咗廣州南站喇，即係廣州
高鐵站。
廣州高鐵站設於「番禺」。
導遊分發高鐵車票比我地。開車時間係
12:16，車廂係10號，座位係16C同
16D，車票好清楚！
我地班港燦，一落車就喺車站門口影相留
念！
入到大堂，大堂內設計Ｄ採光技術好高超，
好環保。
趁未夠鐘，就同大人喺候車站內週圍參觀
吓！
幾先進喎！乘客可以自己查詢行車班次嘅資
料。
入閘口嘅指示都好清楚！
仲有冷熱水供應，Ｄ熱水好〝滾〞，可以
〝陸〞公仔麵架！
望番車站外面嘅高速路軌。
車站內仲設有好幾間中西式嘅餐廳、快餐店
等等，實唔怕餓親。
有大屏幕指示板！
車站內地圖。
仲有(種)喺車站內嘅祖國偉大〝A〞貨植物。
臨上車，我地就憑票攞咗兩樽好正嘅礦泉水
飲。
落到月台準備上車。
呢架就係高鐵列車喇！
呢卡係10 號車廂喇。
上車揾好位先，Ｄ坐位都幾寬闊，坐得好舒
服。
開車冇奈，行車速度開始提升。
窗外嘅景物，幾乎睇都未睇清楚，就飛快咁
往後退。
留意上面果個係速度顯示屏幕。
今次嘅最高速都未超過 340 km/h。
13:00 都唔使50分鐘，就由廣州黎到韶關喇，
超快！呢班車係以武漢為終點站，所以我地
要喺一分鐘內離開車廂落車。
中間寫住『社会车辆』你地詁吓係指勿野車
呢？
出咗車站梗係又影相留念喇！
我地嘅行理，係跟番深圳上嘅旅遊巴果度，
佢稍後趕到韶關，再同我地會合，所以我地
可以兩手空空咁搭車，但睇我地嘅隔離團(X
級假期)就慘囉！要換旅遊巴，所以要拖埋行
理搭高鐵，較為狼狽咗Ｄ！
喺高鐵車站，有車黎接我地去食中午飯。
食飽飽就前往廣東四大名寺之一，始建於南
北朝，有佛教禪宗〝祖庭〞之稱嘅【南華
寺】，六祖慧能就係喺呢度創立咗禪宗，係
佛教禪宗嘅祖庭。
一路都有好多善信同賣香燭嘅灘檔！
南華寺嘅大門口。
入到裹面就影幅到此一遊。
寺內香火頂盛。
國內人最鐘意玩嘅拋銀仔求福遊戲！
古時煮齋用嘅萬人煱。
導遊叫我地喺呢個所謂聖池度洗洗手，會帶
來好運喎！但係我見到Ｄ池水咁.....，都係
米攪我喇！
國內善信又玩拋銀仔！
離開南華寺，我地就坐番由廣州趕上黎接我
地架旅遊巴，前往韶關市區。
途經北江源頭，呢度係三江匯合之處，觀賞
三江六岸風光。
呢度係韶關火車站。
到咗韶關標誌性建築物【風采樓】，裹面有
步行街，我地落車後可以自由逛街購物。
呢度係買甜品小食嘅商店。
逛完街街，就去食晚飯，跟住番酒店。
分好房間各自上房，導遊話今晚20:30喺酒店
外有大型煙花觀賞，不過我好眼瞓，所以冇
落去睇，嗱嗱聲沖好涼，整杯奶茶就早早瞓
覺喇。
想知第二日嘅行程，就要下回分解喇！
感謝 白果魚神 提供以上資料
白果魚神的網誌: http://a991952.blogspot.hk/
