28-12-2010 (第五日)
今日由海口回程，都唔知旅行社點安排，食
飯地點改完又改，本來喺「開平」食午飯，
後來又趕唔到，要喺「湛江」食，卒之因為
返到「深圳」都成十點，就連晚飯都冇得食
，只係每人比番30蚊，仲慘過走難！
晨早食過所謂早餐，07:40就到咗「海口」
碼頭搭船過「海安」喇！
領隊買咗船票就分發比我地，特然我發覺有
個默生嘅女人都伸隻手埋尼攞飛，我就即刻
大聲話：「睇住有人想博懵呀」！咁個領隊
就賴醒咁話:「我睇到」。喺國內真係除時都
要打醒十二個精神，一不留神就比Ｄ不法份
子揾着數喇！
車同人都上咗船喇。
呢次係喺早上，所以可以影多Ｄ船上嘅景况。
趁未開船就同大人喺船上週圍共吓。
隔離隻船顏色唔錯喎！
望番落碼頭嘅情景。
隔離船又開始上車喇，你地話交通幾繁忙呢
！聽當地政府講，話有計劃建做一條由廣東
至海南嘅誇海大橋喎！咁交通就會暢順Ｄ，
車輛唔使搭船咁嘛煩。
09:00船開喇。
呢架好似軍艦黎噃！
又有架運車渡輪駛緊埋去。
尼架船冇我地黎果架咁大，細咗少少。
都幾大風吓，好彩有陽光先冇咁凍。
藍色果架係我地坐咗五日嘅旅遊巴士。
見到個海又諗起釣魚喇。
架船行咗個半鐘度就見到海安喇，我地其中
一個司机都由個車頂氣窗，伸個頭出黎睇風
景，我諗佢都係第一次黎海南島咋，我仲發
覺佢對Ｄ路都唔係好熟。
經過一小時四十五分鐘嘅航程，就番到咗海
安喇。
落咗船跟住上番車出發喇。
之前個國內領隊話28號即係今日，由海口至
開平條新高速開始通車，時間上可以快個幾兩
個鐘喎！點知去到高速嘅入口，Ｄ交警話等緊
Ｄ大粒佬黎剪彩先至通車，所以就唔比我地過
，咁又要兜番去行舊國道。
左兜右兜浪費咗好多時間，卒之趕唔到去開平
食午飯，要改喺湛江食，不過都幾好，因為臨
時臨急諚菜，所以煮出黎嘅都係新鮮熱棘，唔
似得之前有幾餐，Ｄ餸一早擺定喺臺面等我地
食，Ｄ餸灘到凍晒。
食咗中午飯就繼續趕路，去到深圳己經係晚上
十點喇，所以連晚飯都食唔到，領隊就話:「唔
好意思，因為塞車誤點，趕唔切食飯，每位比
番30蚊你地」....(無奈接受)！好彩我地喺中
途都食咗Ｄ野，唔係真係行都冇力行。
我地自己喺羅湖過埋關，足足捱咗十五個鐘頭
，卒之番都屋企都己經係零晨12點幾喇，仲辛
苦過由美國番香港，放低Ｄ行理，沖過涼就大
覺嗦喇！
後記：呢間『好X假期』旅行社好唔惦，領隊導
遊唔在講喇........行程嘅安排好有問題！第一日
要半夜兩點幾先到海口，最尾呢日連晚飯都食唔
到，咁攪法，Ｄ客點會仲幫襯你吖！仲有海南島
本來可以比現時更加好玩嘅，但係經營嘅手法落
後，想打做成國際旅遊城市，我諗比個5042嘅
號碼佢喇！即係「唔X使預」咁解！
感謝 白果魚神 提供以上資料
白果魚神的網誌: http://a991952.blogspot.hk/
