22-9-2010 第七日
今日係八月十五中秋節，主要行程係
去布爾津「五彩灘」，同埋克拉瑪依
嘅「魔鬼城」仲可以喺果度賞月，我
諗都幾特別！克拉瑪依「維吾爾」語
稱作「黑油」城市，呢個地區係最早
打出『新彊』第一口油井嘅地方，而
家已經係一個現代化石油城市，市區
東北100多公里嘅烏爾禾魔鬼城，被
稱為世界魔鬼城，屬於我國罕見嘅風
蝕地貌，山丘被風吹成各種形態，有
Ｄ好似錢塘江畔嘅六和塔，有Ｄ就似
北京天壇，有Ｄ仲似金字塔、吳哥窟
，鐵達尼號、海狗，鷹等等....唔講廢
話喇！睇片~
噚晚我地住嘅渡假屋，呢次輪到我個
房嘅馬桶去水有少少問題，好彩影響
唔大，只係去水慢Ｄ啫！
外形都好靚吓，內裹就舊咗Ｄ。
食咗早餐就上車出發喇！
又經過冲呼爾，照例落車小休去厕所，
呢個鷹佬又喺番度擺檔喎！
每次影相收十蚊，多數係內地人幫襯！
到咗第一個景點「五彩灘」喇！
以前喺呢度嘅地底，有好多歸化木
(木化石)，而家放喺度比游客參觀。
呢度其實係一處雅丹地貌嘅地區。
又真係有幾種顏色喎！
有條好好行嘅木板路通往各處。
背景係「額爾齊斯河」，呢條河由我國
流經哈薩克斯坦，俄羅斯再流入北冰洋，
係我國唯一向西流嘅河流！
最頂大舊果舊走運石係我放上去架！
到此一遊囉！
跟住就去呢度食午飯。
食飽繼續行程，路旁好多環保能源裝置。
16:00到咗蒙古人聚居嘅「禾拾托洛蓋」喇！
大家落車買Ｄ生果黎今晚做節。
呢幾日見冇乜肉食，同埋今晚過節驚冇
乜好餸，咁我就靜靜雞走去買咗Ｄ鴨呀
雞呀咁囉。
途經呢Ｄ蒙古人拜祭天神嘅敖包，又落
車影吓相。
影完相又上車繼續行程，見到Ｄ咁嘅地
方，就知以經進入咗「烏爾禾」喇。
呢度有個恐龍文化苑，佢地就落車入去
參觀吓，我就冇乜興趣，就同領隊廣哥
去咗今晚食飯果間酒樓諚菜！
今晚我地就喺呢間金門酒家食晚飯。
諚好菜就出門口，見呢度咁得意，咁就
週圍影吓相囉。
等佢地番黎就上樓開飯喇。
好野~起菜喇！
招牌菜大盆雞。
唐芹羊肉片。
炆五花腩。
紅炆水鴨，夠野味。
呢味開頭我仲以為係南瓜添，原來係雞
旦做嘅，我第一次食，冇得彈。
呢兩個就普通野黎啫！
因為做節，所以又生果又月餅囉。
我晏畫喺「禾拾托洛蓋」買嘅燒雞同燒
鴨，都唔錯。
土豆絲。
陽春麵。
川色牛柳，好有牛肉味。
鮮懷山炒木耳。
清蒸江河鮮，都食得過。
咕嚕肉，好鬆化，冇得頂！
個個掛住影相。
再黎張大合照先至起筷。
食飽飯就上車趕去「魔鬼城」喇！
要轉乘環保車進入景區。
鐵達尼。
海獅望月。
「克拉瑪依」油田。
中途落車影吓相。
埃及獅身人面像。
黎到呢度準備影日落景色。
開始日落喇。
黃昏嘅「魔鬼城」幾靚！
呢條粉腸喺度左住哂。
影完日落就集合一齊行上半個站，果
度冇咁多人上車。
中秋月亮份外明。
大人話:「咕唔到我地喺北彊過中秋節」。
賞完月，大家就上番車番酒店喇！今晚
入住嘅係「克拉瑪依」四星級「準葛爾
鴻福酒店」！
請繼續分享第八日嘅北彊風情之旅。
