23-1-2010 (星期六) 好凍
今次參加尼個廣州佛山兩天美食團，食足六餐，住佛山五星級酒店，全團人數50人，我地自己人佔12位，架旅遊車，喺我屋企附近出發嘅，所以一落樓，行數分鐘就到集合地點。
晨咁早，天都未光，我同大人就到集合地點上車出發喇！
今次係由西部通道過關。
過到深圳先到南安酒樓飲早茶(第一餐)。
車程大約三個零四個鐘，就到咗佛山喇！即刻就進行我地嘅(第二餐)，呢次嘅餐廳係佳寧娜大酒店，主要係食佢最出名嘅【柱侯雞】，其他嘅餸就好普通。
坐定定等開飯。
呢味就係佢地酒店出名嘅【柱候雞】，但食過之後，各人都應為好普通啫！
![]()
食飽飯，導遊就帶我地去第一個景點，佛山民間藝街社。
![]()
再去参觀仁壽寺。
再帶我地去行石灣嘅陶瓷街，途中見有車發生交通意外，由對面行車道，撞咗過黎我地條行車道。
![]()
真奇怪，賣陶瓷點解又有咁多舊石磨喺度嘅？
行完陶瓷街就去佛山市城市規劃建設展館參觀！裹面好多展品，有好多以前刻有街道名嘅石碑，就連聖旨都有一塊，仲有Ｄ政府舊公文。
![]()
![]()
行畢景點，就去當地有名嘅叫【毋米粥】嘅餐廳食晚飯喇。
![]()
呢間餐廳，就係用呢窩見唔到有米嘅粥【毋米粥】而出名，由待應生將Ｄ魚肉、鮮肉丸、雞、菜等等！好似打邊爐咁樣，整比我地食，另外都有普通小菜功應。
我地又開始(第三餐)喇！
![]()
![]()
就係咁，用【毋米粥】即煮Ｄ野比我地食。
![]()
食飽飽，行出去，喺門口影吓呢間餐廳。
![]()
![]()
食咗晚飯，當晚就入住呢間，喺佛山嘅五星級新中源大酒店。
各團友攞好咗房間，就番房休息喇！
![]()
要知第二日嘅行程，而家太眼瞓，聽日先話你知。
