21-9-2010 第六日
噚晚我地領隊「廣哥」問:『有冇人聽朝晨早
去睇大自然嘅煲水景』，大部份人都唔出聲
(可能個個都好攰，想瞓晏Ｄ)，只得三個比較
後生Ｄ嘅話去，包括我個老友「大佬存」兩
公婆，咁佢地就留低喺度聽安排，其他人就雞
咁腳番房休息喇！
今朝唔使早起，所以喺08:00先至起床，09:00
食早餐，好它條又好精神。跟住乘喀納斯景區
內嘅巡環巴士，遊覽區內三大景點 ，
(1) 神仙灣、(2) 月亮灣、(3) 臥龍灣。
呢間就係噚晚喺度住嘅所謂「林海山莊渡假屋」
喇，你地睇！甩皮甩骨，一屋三伙，我住果間
房就最正常，師兄弟「棚仔」果間房天花燈唔
著，老友「大佬存」果間仲大煱~廁所去唔到
水，要我地個導游「小陳」揾個泵番黎同佢地
攪咗一大餐先攪惦。冇計喇呢度佢係唯一未被
清拆嘅渡假村，唔住佢就要出番景區外嘅酒店
住，好唔方便。
食咗早餐就行去搭車往景區喇。
到咗第一景區「神仙灣」
開始見有Ｄ霧漂出黎。
嗱嗱聲落車睇人間仙境喇！(所謂煲水)就係咁。
影影吓就見到今朝一早落黎影相嘅「大佬存」
，佢比Ｄ相我睇，嘩!!靚到吖！早知都起早Ｄ
起身，同佢地一齊落黎喇(馬後炮)，呢Ｄ就係
佢影架喇，好正呀！
唔得喇！見佢地影得咁靚，我都影多幾幅先。
Ｄ霞霧好快咁就(煲完)散哂囉！
跟住就再搭車落第二景點「月亮灣」。圖中喺
大人後面間屋，係米好靚呢，廁所黎咋！哈哈
！比我住都唔錯喎~~
黎到「月亮灣」喇，又幾似彎彎的月亮喎！
Ｄ水藍到好似藍寶石咁。
又玩吓自拍先。
再搭車去第三景點「臥龍灣」，呢度除咗有Ｄ
白樺林嘅倒影睇得吓，其他都冇勿驚喜。
到此一游。
遊完三區，跟住食埋中午飯，乘車往「中國」
與「哈薩克斯坦」邊界嘅「白哈巴村」，呢條
村係我國西北嘅第一村，我地去睇吓佢嘅原始
古撲自然風光。
途中又見轉場，不過呢次加埋雪山做背境，影
得特別美。
Ｄ羊走哂，見地下有枝好靚嘅白樺樹枝，執起
黎又攪攪震喇！
特然聽到大人嘅叫聲....嗯!!又黎喇~~又黎喇~~
今次又出埋重型運輸工具(駱駝)。
到咗西北第一哨「白哈村」，首先要向當地
邊防軍申請入去，而我地香港人好難先至可
以過得到關，好彩同車有個國內大粒佬，同
我地講好說話，咁先可以放行，喺果度真係
識人好過識字！
好險呀，爭Ｄ黎唔到，爺！
鐵絲網外就係哈薩克斯坦喇！(冇房屋嘅)
呀望遠Ｄ，都忍若見到Ｄ農莊。
咁難得黎到，梗係喺界碑前留影喇。
玩完一輪，就乘車出番去景區，上番我地架
旅遊巴，出番去賈登峪；今晚入住嘅係喀納
斯賈登峪四星級「兄弟山莊」，喺埋果度食
晚飯。
我地見呢間野有材料就多口問句:「加隻雞幾
多錢呀」個待應好似好唔願咁答:「298塊」，
「咁加盆麵又幾多呀」！答案係「50塊」嘩！
當我地係水魚牙，一於杯葛！
今晚嘅餸菜開始好番Ｄ囉喎，起碼有盤麵食
吓吖！
仲有紅燒魚塊，須然味道嘛嘛，不過都係魚吖！
青椒爆水鴨。
羊肉芹菜。
食飽飽，大家圍埋傾咗一陣就各自番房休息
，我就梗係例牌嘆番杯奶茶先瞓喇！
請留意下集「第七日」，有更多更靚嘅相片
同大家分享！
