20-9-2010 第五日
今日嘅行程係去喀納斯風景區，到步要轉乘
景區內專車進入，因為車站離住宿嘅地方都
幾遠吓，我地如果帶哂所有行理去嘅話，係
好唔方便，所以昨晚已拾齊今日所須小量物
品，用背襄起行。
晨咁早06:00起床，天都未光，就帶埋電筒，
又上番果個山崗睇禾木村嘅(晨曦炊煙)喇。
山上氣温好低，只得零下兩度，但係都已經
企滿龍友，我就買咗杯熱架啡飲，等個身暖
Ｄ。
有Ｄ仲出動埋「大底机」添喎！
佢地喺度做熱身運動，等冇咁凍。
天開始光喇。
晨光、霞霧、白樺林、再加上村民起爐煮食
嘅炊煙，合成一幕人間仙景嘅畫面。
睇完靚景落番山，見凍到連木扶手面頭都結
咗霜！
通地都係動物嘅糞便，証明當地景區管理上
係有問題！
臨別秋波，禾木再見。
回住宿嘅木屋途中，見到好似劏馬咁款！
原來係幫隻愛駒喺度換馬蹄鐵!!赫得我吖。
食過早餐，喺木屋旁邊，我發現咗呢Ｄ植物
，你地咕吓係乜野黎吖嗱？
古舊嘅抽地下水機。
乘車離開禾木村，於13:00到達喀納斯生活區
賈登峪食午飯。
呢舊又係勿野！原來就係大尾羊個蘿囉！
食飽就上車向喀納斯湖進發喇！喀納斯湖係
國內己知最深嘅高山淡水湖，仲係以〝變色
湖〞著稱，D湖水有時湛蘭，有時灰白，有
時火紅，有時深綠，清澈嘅湖水，令人心曠
神怡。
14:00到咗目的地喇。
每個角度睇喀納斯湖都係咁正。
我地一路向最高點嘅〝觀魚亭〞進發。
一路行一路觀賞。
我地用咗個幾鐘，慢慢行，沿途欣賞湖光山
色，卒之到咗山頂嘅〝觀魚亭〞喇。
上到上面又攝錄，又影相，攪到好似好忙咁樣。
山上睇完湖景就落番山，去到湖邊，親身接
近喀納斯湖喇！
呢舊野就係湖口一號石〝羊背石〞喎！
Ｄ屋好有北歐嘅風格喎！
行到湖邊，開始沿湖邊遊覽喇。
有倒影呀！
喺度廉魚！咁淺水，有冇架？有都唔方大喇。
足足行咗兩個幾鐘先行哂。
跟住番今晚我地住宿嘅喀納斯湖「林海山莊
」食晚飯，呢間係喺景區內唯一未被清拆嘅
度假屋，聽講話係Ｄ(有力人士)開個喎！因
為噚晚喺禾木瞓得唔好，所以食咗晚飯就各
自番房休息喇。(攰到我連相都冇影)
想要知第六日嘅行程係點，請大家收看
下一集喇！
