3-12-2009 天氣都幾凍吓！
話說果晚釣完魚，攪呢攪路，卒支冇瞓過覺，06:15就同大人出發，參加美食之旅兩天(奥威斯温泉酒店)度假。個人唔夠瞓，釣魚時又凍，比寒風吹一吹，咁就賴野喇，即刻有Ｄ頭痛傷風添，大人就比咗Ｄ傷風藥過我食，食咗藥個人Wing Wing地，08:30到咗皇崗口岸，上咗旅遊巴就一路烏烏吓，到中午落車食飯都唔知食咗乜野！
食咗飯上車，食多次藥就繼續瞓，都唔知過咗幾奈(16:45)已經到咗目的地奥威斯酒店，攞咗房間，同大人喺間房影左Ｄ相，我就倒頭大睡，又唔知過咗幾奈(18:00)到酒店嘅餐廳食自助餐，平時咁鈡意食嘅我，今晚都係淺嚐各種美食，大人就同我攞Ｄ我平時钟意食嘅野埋尼，但我自己都唔知食咗乜野！
食咗晚飯，上房換咗衫，21:30就落–1樓嘅地下温泉度沉吓温泉，落到去都係烏烏吓，大人就叫我沉吓藥池，果然沉咗十零分鈡，個人精神咗Ｄ，沉到22:30上水食咗碗唔知勿野嘅糖水，就同大人番上房，一番上房沖好涼，再食多次藥，唔理三七廿一，碌上張床就呼呼聲瞓著咗喇！【今次係同大人咁多次出外旅遊，第一次比佢早瞓嘅一次囉】喺呢度要多謝大人全日嘅服侍，我真係過意唔去！
個浴室成200呎有多。
間房仲大，兩張五呎大床，比我瞓得好舒服。
我烏烏吓都要同大人影張相先。
趁我小睡片刻，大人過去隔離房，同佢老友陳太兩公婆影番張相先，(因為佢地大頭虾，唔記得帶相机)
第二朝08:30起床，經過一晚嘅休息，体力已回復過來，梳洗好就同大人落餐廳食自助早餐。落到餐廳，我地嘅老友陳生兩公婆，巳經揾定個近魚缸嘅靚位，我地一路食早餐一路睇缸內嘅【美人魚】游來游去，真別緻！
魚缸中嘅(美人魚)，好有活力咁游來游去。
真係只有我地祖國先會有嘅景况！
陳先生兩公婆幾開心。
食咗早餐，我就去洗手間，發覺有兩條象魚喺洗手間嘅大型魚缸內，見冇人用廁，就拿拿聲叫大人入男洗手間睇大魚喇，大人見我咁醒目就話:「你已經好番晒喇，唔係點會咁反斗吖」！
出去週圍逛吓，見個游泳池幾靚喎，可惜係冬天吖，唔係一定落去游吓水。
由酒店花園行出去，就係七星湖啦，而家先記得，尋晚烏烏吓有夜游過七星湖喎，大人話睇你仲敢唔敢霖去旅行仲釣通宵＃＃
以後唔敢喇，見過鬼仲唔怕黑咩！
背景就係我地入住嘅奧威斯七星大酒店喇！
再行過少少就到廣東有名嘅七星岩喇！
喺正門影相留念。
你睇佢兩個幾老友！
入番酒店，喺大堂休息吓先。
噚日矇查查，今日週圍參觀吓。
大堂真有氣勢。
臨近聖誕，所以大堂有Ｄ聖誕裝飾。
房門外嘅園林景色。
中午准備離開酒店。
再入大堂影成吉斯汗嘅碉像。
等旅游車黎接我地去沃尔馬超市買手信。
大堂擺放嘅古董【唐三彩馬】。
去到超市，有本地人買生懷山，又有人買豆苗，我第一次見係咁樣賣豆苗嘅，即簡即剪，每排6.8元人仔。
回程途中喺呢間山莊食午飯。
香妃雞《好味》。
生懷山燴香葫《幾好》。
味菜炆鴨肚《好味》。
個名好特別，甜甜地，唔記得咗叫勿野糕添！《普通》
蜜豆炒茄子《麻麻地》。
梅子蒸西江魽魚《好味》。
南瓜蒸肉丸《好味》。
肉碎燴豆付《豆付勁滑好味》。
花生炆牛蹄，我第一次食《勁好食》我一個人食咗四件。
牛蹄要用手攞住黎食先好味。
飯後甜品，木瓜雪耳糖水《好味》。
食飽中午果餐，就踏上歸程喇！
途經呢條唔知勿野江？
20:15回到西河，陳生仲請我地去食牛扒餐，番到屋企已經成10點喇！
呢次除咗第一日自己唔爭氣，其餘嘅時間，旅程都好滿意，食得好，住得好，導游一流，下次有時間，我同大人都會再次參加美食之旅辨嘅旅行團。
