話說喺1987年，即係23年前我同大人去海南
島自由行，坐車去，飛机返，玩咗六七日，
食住都唔錯！
呢張1987年嘅相，就係果時影架，巳經放大
咗喇！
今次應大人嘅朋友之請，再去多一次海南島
玩，諗住今時今日嘅海南島，經過廿幾年，
肯定比美泰國嘅芭提雅喇。所以我地就應承
咗佢地諗住去嘆番幾日囉！
24-12-2010 (第一日)
早上我地一行十四人，自己過羅湖關口，上
咗接應我地架旅遊巴，今次帶團嘅旅行社係
「X玩假期」，再過西部通道，接埋另外十四
人，全團共廿八人，就向海南島進發喇！
中午到咗「開平」食晏。
呢餐都算唔錯，後尾至知，原來係全程最好
嘅一餐黎！
食咗中午飯就一路坐車，本來過「海口」先
至食晚飯嘅，點知又塞車，攪到要喺「海
安」食埋晚飯先至過「海口」，冧時冧急，
果餐飯梗係唔惦喇，卒之要成十點先至去到
汽車渡輪碼頭。
要等Ｄ車上晒船，客人先至上客艙，上到船
都十一點幾喇。
人人坐定定，我就走出甲板影吓相先。
船開喇，隻船慢慢離開碼頭。
大人出咗黎都唔知，仲以為佢瞓咗覺添。
船程大約100分鐘就到咗海口喇！
呢個蜘蛛網都算犀利，隻船行緊咁大風都吹
佢唔爛。
隻船泊咗岸，呢次就人客落船先，車輛跟住
落，架架都係重型貨車，我地數過，足足有
四十三架咁多。
番到呢間所謂准四星嘅「酒店」！都巳經係
零晨點幾兩點喇。
攞咗房間已經兩點，各人就嗱嗱聲番回自己
房間沖涼休息喇。因為聽日仲要八點起床，
瞓得果四五個鐘，所以我沖咗杯奶茶飲完就
瞓覺喇！
想知以後嘅事情發展到點，請看下回分解！
感謝 白果魚神 提供以上資料
白果魚神的網誌: http://a991952.blogspot.hk/
