27-9-2010 第十二日 回港日
今日食過早餐，07:30就乘車到伊寧机場，飛番烏努木齊。
到咗伊寧机場喇。
占太同存哥兩夫婦合照。
我地都要同佢影番張。
上机喇。
經個零鐘就飛到烏魯木齊。
到步仲有好多時間，先至飛鄭州，所以我地去咗當地嘅博物館行吓。(上次由絲路過尼都入過去參觀，最有名嘅係【樓蘭美女古屍】囉)！
又係最後行程到博物館!!『杯弓蛇影』，上番車前，要小心睇清楚，有冇「生保」人上我地架車，我地幾個大隻佬梗係喺車門口做護衛喇。
跟住就去食午飯。
炸恐龍！
高危食品！
食咗午飯就去機場飛鄭州，停留一個鐘上客，再飛深圳。
到咗鄭州机場都以經係晚上十點喇！我地就出去侯機室行吓，大約22:45就上番机，起過飛往深圳。
到咗深圳己經係零晨0:30。
出去攞埋行理，乘車往二十四小時通關嘅皇崗口岸入境，過埋香港境，就即刻去柜枱買車票，乘專線旅遊巴往灣仔碼頭，呢程好趕，我地成十二人都係番港島，又拖住Ｄ行理，架車又話夠鐘開出，所以個個都好狼狽，卒之大家都上咗車，番到灣仔碼頭，再轉 N8 通宵巴士番西灣河，我第一次搭通宵巴士，原來都幾多人搭架，如果我地唔係喺總站上車，怕且都幾難上到車。經過咗走難咁走嘅路程，番到屋企以經係零晨兩點幾喇，勿都唔攪，沖杯奶茶嘆吓先，再沖埋涼就瞓覺喇！
總括呢十幾日嘅行程都好開心，又可以欣賞到北彊嘅獨特風貌，須然有兩三日食同住都唔係幾理想(尤其是禾木村嘅木屋)，但係多數都好好，最正嘅係食到新彊「黑頭羊」添！
鳴謝:喺呢度要多謝我地呢次嘅攪手「唐太」(掌聲)，有佢咁落力去東奔西走先至成到團！又再一次多謝我地個超級金牌領隊~~「廣哥」！佢嘅專業同用心態度，使我地呢次行程得到開心安全結速，希望日後再一次同佢旅行！謝謝兩位！
