19-9-2010 第四日
今朝喺酒店食過早餐，09:00上車離開布爾津
往喀納斯(賈登峪)~~禾木(圖瓦族人村落)。
噚晚就係住喺呢間「布爾津神湖酒店」喇。
赴禾木途中，見有個瓜田，大家就落車，走
去瓜田攪攪震！
我似唔似喺度推鉛球呀！哈哈！
經過呢度又走去攪人地Ｄ吉甫車
經過冲呼爾，見有個市集，就落車買野食，
順便去埋洗手間。
上番車行咗一陣，又見轉場喇。
沿途觀賞〝金山〞阿爾泰山嘅自然景色同美
麗山間草原風光，咁靚嘅景色，梗係要影多
幾幅喇。
不經不覺已經到達被譽為〝人間仙景〞嘅禾
木村喇！人地話喀納斯係人間淨土，係神仙
居住嘅地方，而禾木被譽為係神在喀納斯嘅
後花園，比自己留下最後一塊冇比人類污染
嘅自留地。
鐘意騎馬嘅可以租Ｄ馬匹騎上山崗。
黎到我地今晚入住嘅禾木梅花客棧，名乎其
實嘅(小木屋)，我同大人分配到嘅係最差嘅
一間。
細到行李都冇位擺，Ｄ被一陣味、床腳用磚
石頂起，床冇咕順、浴室簡漏，冷熱水分開
，要用面盆先可以混和黎冲涼，當然我地唔
會用果個面盆啦。電力不足，想話自己煲Ｄ
水冲杯奶茶飲吓都跳大制，卒知今晚冇奶茶
飲，冇公仔麵食，又凍，要著埋件羽絨先瞓
得著！
攞好房間，就出去週圍行吓，觀賞禾木河嘅
風光。
禾木村係一個比白樺林、雪山同埋河流包圍
嘅美麗村莊，另到你喺呢度，揾到熱愛〝原
始生活〞嘅感覺！
好多遊客騎馬上山崗，睇禾木村日落嘅景色。
睇完白樺林攰攰地，所以番房小休。
抖咗半個鐘度，我地就徙步上山崗睇日落中
嘅禾木村喇，點解我地唔騎馬上去呢，因為
Ｄ馬好鬼史臭囉！米攪我經過一條臭氣昏天
嘅馬屎路，行咗成個鐘嘅山路，卒知上到黎
個山崗度喇！
望番落去禾木村，喺黃昏嘅太陽光底下又幾
靚嘅！
望番去後面係〝美麗峰〞
我地倆老攰攰地，就坐低抖番陣先。
臨走時見有個國內靚模擺甫士影相，唔知佢
凍唔凍呢！
山下圖瓦族人租比遊客騎嘅臭馬。
開飯囉....今晚好彩有我地自己加嘅手抓羊肉
，勁好味！兩圍枱合共加咗四公斤，每圍兩
公斤，每公斤120蚊，都好低食。
一有好野食，我就冇哂儀態架喇！
食飽飽就番房早Ｄ休息喇，聽朝仲要倒塔咁
早起身，睇日出嘅禾木村炊煙架！
更加精彩嘅(第五日)喺遲Ｄ就有得睇喇，
敬請密切留意！
