26-9-2010 第十一日
今日主要係去那拉提草原地帶！「那拉提」傳說係成吉思汗西征時，大軍向「伊犁」嘅方向進軍，當時啱啱係春天，山裡面仲係茫茫白雪，冇想過翻過雪山，即刻比眼前嘅青山綠水所吸引，好似進入咗另外一個世界咁，於是佢就高呼〝那拉提〞，蒙古話即係〝太陽升起嘅地方〞。轉乘景區車，去中國四大草原之一嘅巴音布魯克大草原，沿途經過那拉提高山草原地帶，係拍攝留影嘅好地方。
呢幅相送比香港股市！
牛氣沖天。
食咗早餐就上車直搗「那拉提」！
一到咗目的地，食埋午飯，事必影番張到此一遊。
再影番張大合照先。
呢個遼闊壯麗嘅大草原有「空中草原」之稱。
再乘景區車去另一景點，呢個時候天上落咗少少雨。
大人喺度攪勿野。
咁好精力，仲喺度玩健身器！
經過呢度又覺得幾靚喎，落車又影幾幅！
靚太又騎馬，佢真係騎上引囉！
棚仔老婆又去騎
佢第一次騎，所以要有個靚仔磅住！
水草水草，有水自然有草。
成車草。
又黎喇！佢地喺好遠黎到呢度架。
遊完「那拉提」就乘車番「伊犁」，19:15到咗「伊犁」，入住番前日住過嘅隆鑫大酒店。
各人攞咗房間就番房梳洗，跟住落酒店餐廳食晚飯喇！
今餐Ｄ餸菜都過得去喇！
各位觀眾：點解呢味咁熟面口嘅！就係豆鼓鯪魚喇~~係我帶去嘅，攞出尼食埋佢，唔洗拎。古唔到最搶手就係呢味餸！
食飽飯就各自番房休息喇，因為聽日要番香港喇，又搭三輪飛机，所以要保持體力，早Ｄ瞓！
下一集大結局係講回香港喇！敬請留意！
