18-9-2010 第三日
08:30食過簡單嘅早餐，就乘車往『可可托
海』國家地質公園，再換乘景區觀光車往景
區。佢係位於新彊北部嘅額爾齊斯河源頭，
阿勒泰地區富蘊縣北嘅東部同埋西邊局部地
區。可可托海蒙古語意為〝藍色的河灣〞，
哈薩克語意為〝綠色叢林〞，由於可可托海
特殊嘅地質構造，風雨侵蝕同埋流水切割作
用明顯，形成咗好多深溝峽谷。水景、草原
、奇特象形山石、溫泉等奇觀于一體嘅豐富
自然景觀，所以一年四季都好靚。
行車途中經過卡拉墨里〝有蹄野生動物類動
物保護區〞我地好幸運見到一羣野馬。
沿途風光如畫。
我就緊係唔會放過，即刻拍攝低佢喇！
戈壁~
湖光山色。
遠處見到有一大羣羊。
聽我地個金牌領隊〝廣哥〞話:「呢Ｄ情景係
一年裹面呢個季節先冇得睇，叫做〔轉場〕
，意思係由一個比動物食清光嘅草場，轉到
另一個有草嘅新場喎」！
呢種叫大尾羊，名乎其實佢地個籮真係幾大
喎！我地平時食嘅大多係呢種，有羊羶味嘅
，另外有一種叫黑頭羊，好似山羊咁，佢就
冇羶味囉，遲吓就有得食喇！
又有轉場.....呢十幾日我地都會經常見到嘅
情景。
10:30入到去額爾齊斯大峽谷嘅正門口喇。
呢次見嘅轉場，係Ｄ動物嘅老板(牧民)，連
屋(蒙古包)都搬埋，所以要用大型運輸工具
...〝駱駝〞喇！
呢個靚女係哈蕯克族註當地嘅導遊講解員。
又黎喇，呢次有牛，仲要畜車爭路添。
牧民著住件單吊西嘅馬上英姿。
又行咗一陣車。
又黎喇，呢次仲勁，萬羊奔騰，何其壯觀。
有好多哈薩克族嘅蒙古包。
半個鐘車程入到去峽谷內嘅景點神鐘山喇！
開頭以為呢個係神鐘山，原來唔係。
呢個先至啱。
![]()
準備登山。
山上嘅紅葉黃葉趁托得幾靚。
睇完靚景，落番山，跟往去食午餐！
今餐都幾好，有鴨湯可以撈飯，仲有雞添。
食飽跟住去一個稀土礦場。我國全靠呢個礦
場出產嘅稀土，喺六七十年代，用黎向前穌
聯還國債。
咩叫做稀土？好似話用黎整核子彈有關嘅金
屬原材料咁話喎!!!
離開值得懷念嘅稀土礦場，就前往布爾津。
途經北屯鎮，落車買生果食。
我從未見過有咁大棵嘅大葱，足有三四呎長。
劉生劉太話呢個蜜瓜正喎！
途中見有個西裝友喺度洗車。
20:00到咗額爾齊斯河，剛好黃昏日落。
嘩!!卒知見到有人釣魚喇!!我有少少想鐘落去
玩吓添。
到咗布爾津就去今晚入住嘅酒店食晚飯先。
呢餐有魚，不過麻麻地嘖，好似前果排Ｄ橫
澤咁。
用饢餅墊底嘅餸。
食過晚飯，見有Ｄ時間，就喺酒店行去附近
有名嘅〝河堤〞夜市參觀吓？
有好多種類嘅淡水魚，當地人都係燒黎食，
每條由四十蚊到百二蚊都有。
呀茂整緊餅。
呢檔野喺果度打晒色，最出名。我地仲見到
呢個俄羅斯老大媽吉娜真人添喎！
遊完河堤夜市，就行番酒店休息喇。
我地今晚入住嘅係布爾津神湖酒店。
請繼續收睇北彊風情之旅第四集~~
