25-9-2010 第十日
08:15食過早餐就出發乘車前往「巴音布魯克」大草原。遊覧中國唯一嘅天鵝自然保護區「天鵝湖」，果度水草豐富，牛羊成群。同埋遊覽迷人嘅「九曲十八彎」。
沿途經過遊覧古老嘅「烏孫古墓」。依家己經冇咗嘅烏孫族，只係留下公元前2世紀至西元4世紀嘅文化遺址「古墓」！
考古發現，有Ｄ墓室面積達到100立方米以上，曾經出土過，陶、銅、鐵、金器等大量珍貴文物。
我一直都係唔影墓穴嘅，所以「烏孫古墓」相片欠奉，請大家原諒！只有喺路口嘅標誌度影咗幾幅留念！
後面就係烏孫古墓嘅遺址喇。(見唔到嘅)
行咗五六個鐘車程，中途食咗午飯，到咗巴音布魯克，以經成五點喇，所以即刻去今晚食飯間酒家「白天鵝賓館」，諚定隻羊先，今次食隻黑頭羊(全羊宴)，簡咗後面果隻，1200蚊人仔，都算合理，冇揾笨！
今晚喺度食晚飯
諚好菜，就乘車入「天鵝湖」景區
個湖離停車位置嘅距離有兩三公里，騎馬去收50蚊，大人唔敢騎，所以我都冇騎，只係呢位靚太去玩，帶住佢果個就係導遊「小陳」喇！
其他人就乘馬車入去，都係每位收50蚊。
我就同大人同另外兩公婆四個人留番低喺度行吓，靜靜地欣賞呢個大草原嘅景色。
唔好行咁遠喇，我隻腳仲係痛痛地！喺度影吓個水泵就算囉！
呢隻野成日睥實我地喎。
大約一個鐘，佢地就番黎喇，佢地話睇唔到天鵝喎！咁就繼續行程，往九曲十八彎遊覽。
去到目的地，呢次領隊「廣哥」建議我最好騎馬上觀景亭，因為要行上山崗，我隻腳又未好番，路程都幾遠吓，所以我就騎馬上山喇！都係收50蚊。
大人話:你自己小心Ｄ呀！(當我係細路牙)
一路上山，真係幾遠吓架。
終於上到去，開始日落，條彩帶開始露出黎喇！
用相机不同效果，影出黎嘅相顏色都有所唔同嘅。
比較黃Ｄ嘅。
白Ｄ嘅。
又紅Ｄ嘅。
暗Ｄ都得。
睇咗咁多幅，你地話邊幅最靚呢！
睇完「九曲十八彎」嘅奇景之後就去食晚飯喇。全羊宴！我諗今餐會食得好滿足。
手抓羊肉。
羊肉揸飯。
羊肉串燒，有棘有唔棘。
涼瓜煎旦，仲有好多好多餸。
個個都好開心，尤其我地個金牌領隊「廣哥」(中間果個)，佢話旅程就快完滿結速，可以輕鬆Ｄ咁話喎。
導遊「小陳」又過黎隊酒！
我不樓都唔飲酒嘅，咁就以汽水代酒喇。
占太都話飲杯勝嘅。
你又黎，唔好喇掛。
呢餐晚飯，個個都食得好開心，好滿足。
飲飽食醉，各自就番房休息喇。
第十一日又有勿野睇呢，咁就要留意下期嘅出品喇！
