24-9-2010 第九日
今日會由博樂去伊寧~~重點係賽里木湖途經「惠遠古城、將軍府、霍爾果斯口岸、果子溝、伊犁河」。
早餐後，乘車往伊寧嘅伊犁，佢係新彊嘅糧倉重地，呢度主要係住咗Ｄ「馬背上嘅民族」~「哈薩克族」。
食咗早餐，出大堂等齊人出發。
往「賽里木湖」途中，見有太陽花田，大家又落車影餐飽！
呢個花田嘅主人係哈薩克族，佢仲好友善添。
到咗目的地「賽里木湖」入口喇，本來又要轉區內專車，同其他遊客一齊，好唔方便加嘛，後尾我地個領隊【攪惦】！坐番自己架旅遊車入湖區。
架車沿湖邊一路行駛，又見到Ｄ牧民轉場喇，我地梗係落車影相啦。
見個景色咁靚所以景多幾幅囉！
羊群喺湖邊小休，背景係碧藍色嘅湖水，遠處再加上亮白嘅雪山。嘩！靚到吖~
呢幅仲有藍天白雲添喎！
呢個我地叫佢做迷彩山。
前面Ｄ車停哂喺度，聽講話前面發生交通意外喎！咁我地又八八掛掛咁落車睇吓。
順手執番兩張相。
前面真係有架吉甫反咗車，仲有交警同醫護人員到場添喎！
離開咗「賽里木湖」經過「菓子溝」，風景一般啫！
到咗食午餐嘅時候喇，今餐係食富有新彊特色嘅(拉條子)，即係食麵。
大人拎住嘅係茄子黎架。
大廚炒野有Ｄ鑊氣喎。
麵黎囉！我地個領隊同導遊都幫手捧餐。
將呢Ｄ餸放落Ｄ麵度食。
Ｄ麵又彈牙又爽口又滑~~嘩......正呀！
食飽飽又繼續旅程，16:45就到咗依寧哈薩克自治州嘅依犁裹面嘅「惠遠古城」喇。佢係新彊嘅歷史名城，曾經係新彊嘅政治、軍事、經濟、文化中心，亦都係清代乾隆年間設置嘅統治南北彊嘅大本營伊犁嘅所在地，愛國將領林則徐都曾經喺呢度住咗兩年零一個月，留下咗令人追憶嘅往事。
呢座野就係「惠遠古城」嘅鐘鼓樓喇！
裹面記載咗曆代伊犁將軍嘅事績。
呢個就係俄羅斯嘅古界碑喇，上面刻有俄國雙頭鷹嘅標記。
再到鐘鼓樓參觀。
吹到啤一聲，國內就係咁喇！
由鐘鼓樓往下望嘅街景。
離開咗惠遠古城就趕往依犁河睇日落，仲有當地人結婚嘅巡行咁話。
黎到喇，又話有結婚巡遊嘅！
等極都未有出現。
一家大細去街就有。
我地都係唔等喇，早Ｄ番酒店食晚飯好過！
途中酒店林立。
似唔似去咗外國咁呀！
番到我地今晚入住嘅伊寧四星級隆鑫大酒店食晚飯，Ｄ餸菜都唔錯。
食咗飯就各自番房休息喇。
有更精彩嘅遊記，請繼續收睇！
