23-9-2010 第八日
早餐後乘事往博樂，沿途經312國道觀「兵團」新貌，「精河敖包」。博樂係博爾塔拉蒙古自治州首府与「新彊生產建設兵團農五師部」所在地，位於阿拉山腹地，青山碧水，市民唔使出門，就賞山水之美，係中國西部重要沿邊開放城市，亦都係聞名世界嘅二座亞歐大陸橋嘅西橋頭堡。
遊覽博樂「怪石峪」。「怪石峪」面積約230平方公里，以怪石奇石像形聞名。花崗岩石由於強烈風化、雪蝕，演繹成神態各異嘅像！
離開克拉瑪依嘅沿途風光。
好多練油廠。
採油機器。
我地行埋去影相都冇人理嘅？
經過兵團所種嘅綿花田。
又有枸杞園。
好新鮮好甜。
食到唔停得口。
佢地可以封咗條路黎晒收成物，如果要過就叫你運路行。
好彩呢次只係比Ｄ兵團農民霸咗半條路嘖，唔使運路。
食咗中午飯，又買瓜食。
批發枸杞籽嘅市場。
Ｄ女人又瘋狂喇。
賣80蚊一公斤，覺得又平又靚，人人都買咗一兩公斤。
到咗博樂市喇！
嘩！好大片萬壽菊田呀。
又有蘿蔔田，幾大個喎！
拉一個出黎睇吓都得掛！
唔好呀！比人鬧架，至多我影比你睇喇！
又有薰衣草田，可息未開齊花，不過好彩都有Ｄ紫紫地色！
經過咗兵團嘅生產農庒，就到咗博樂「怪石峪」喇！
連我都要整埋個樣應吓景至得。
Ｄ花崗岩被風化水蝕，變成奇形怪狀。
大人後面舊石似唔似 「ET」 呀！
我喺呢度影完相，跟住就跳番落黎(以為自己仲係十八廿二)，點知就屈親隻腳喇！痛咗幾日。
呢Ｄ係野生黑加侖子。
呢棵就勁喇，係用黎提練冰毒嘅植物黎架！(有個團友話嘅，都好可信，因為佢係舊海關人員黎嘅)。
自己整親隻腳，怕人擔心，唔敢出聲，靜靜雞落番山，等佢地玩完，就一齊上車番酒店食晚飯。
天都開始黑喇！
今晚入住博樂三星級艾比湖大酒店，晚飯都係喺酒店裹面餐廳食。
城市即係城市，今餐Ｄ餸好好多喇，起碼色香味都有，肉都多幾塊。
食飽飯都成十點幾囉，個個都冇出去行街，都係早Ｄ番房休息喇，我就例牌嘆番杯奶茶，睇陣電視先至瞓！
好喇想知第九日有Ｄ勿野攪作，敬請留意！
