廣西-陽朔、龍脊梯田、桂林之旅
2-4-2010 (第一天)
晨咁早06:15落到西灣河街，上旅遊巴往深圳灣口岸過關，再換國內旅遊巴往南蓉大酒店食早餐。
食過早餐就出發往目的地，沿途經過嘅風景都好吸引。
中午到咗四會市，喺果度食中午飯。
因塞車同天雨關係，沿梧桂高速前住陽朔，行車時間多咗成兩小時，成十點幾先到達廣西陽朔，入住萬麗酒店，在酒店嘅餐廳食過晚飯，跟往攞埋房間，都以經十一點幾喇，嗱嗱聲上房沖涼，飲杯茶就瞓覺喇。
3-4-2010【第二天】
於酒店內食自助早餐，跟住前往陽朔，乘坐竹船遊漓江，可抵興平古鎮，觀賞新版20元人仔背面圖案之山水實景。
遊畢船河，上岸時見有小販買串燒虾，Ｄ虾細到好似我地用尼餵熱帶魚Ｄ虾仔咁樣。果個小女孩我睇都係六七歲倒，已經喺度幫手賣野，真係乖。
再乘車住最新開發嘅景區：『義江缘』沿途景色秀麗，風光如畫。
鴨仔落田
到咗義江緣先食中午飯【陽朔啤酒魚宴】，仲有小數民族表演歌舞，佢地好落力，我地就比咗Ｄ小費。
我似唔似射鵰英雄傳裹面嘅郭大俠呀！
玩咗一輪就落竹船遊河，仲可以山歌对唱添。
要同佢地山歌对唱!!我走都走唔切，好彩有導遊「呀海」頂住，唔係幾難甩得身。
沿途有好多小數民族唱歌歡迎。
上岸時岸上又有小數民族迎接我地。
上到去，又發揮我攪攪震嘅本色 。
小數民族女孩子，表演好有特色嘅舞蹈。
見風景咁靚，又影番幅先。
又黎攪野喇。
玩完野就行去民藝廊參觀。
遊畢義江緣，乘車返市區，參觀三江鼓樓。
到咗六角形嘅侗族「三江鼓樓」喇。
附近建做緊嘅房屋。
遊完三江鼓樓，就係佢附近嘅侗族餐廳食晚飯〔侗族風味宴〕。
食咗晚飯，就返酒店，今晚入住尼間三江飯店，喺當地至好嘅四星酒店。
果晚時間仲早，攞咗房間，我地就落街，行咗去當地舊城區宵夜，然後返酒店休息。
第三日嘅行程，下回分解....
