19-3-2011 (星期六)
今日成日都落住微雨，大人問今晚想去食Ｄ
乜，我就話不如買Ｄ野番黎食咯!!
咁就揸車落吉之島買喇，橫惦喺佢度買滿四
百蚊有兩個鐘免費泊車，咁我地就落去買咗
Ｄ三文魚、魚籽、海膽、魚乾仔、泡菜、牛
什，仲有飯後甜品〝泡夫〞。
番黎用珍珠米煲咗Ｄ飯，最緊要就係唔使煮
餸，就整碗三文魚海膽魚籽飯喇！
大人食果Ｄ泡菜唔記得影添!!
加Ｄ魚干仔，再加埋上次喺韓國濟州買番黎
果Ｄ芝蔴紫菜添！
沖杯日本煎茶飲吓。
食飽飯再加一個飯後甜品〝泡夫〞。
出街唔知食乜好，喺屋企簡簡單單又一餐，
又好食，又舒服，又慳錢，幾好呀。
