24-12-2009 星期四 (回暖)
個幾月前約好晒我地同大姨到呀Ｂ(玖瑰小姐)屋企食聖誕大餐。果日四點鐘，我同大人揸車落中環攞火雞，落到中環，呀Ｂ己經攞咗喺置地廣場等我接佢，接咗呀Ｂ，再番西河(X發)攞炸蟹鉗，接埋三公主，再去太古城(美X皇宮)攞埋盤菜，就往呀Ｂ屋企進發，泊好架車，我地攞埋Ｄ食物，一袋二袋咁上到佢屋企，因佢家工人放大假，所以得呀Ｂ佢媽咪(J'S師奶)同佢爹爹(貓大人)喺度煑大餐，又牛柳，又焗羊胺，又沙律，仲有飯後甜品添，好多餸。大姨一早到咗(呀Ｂ個姥姥)，跟住大公主兩公婆同二公主兩公婆都到埋，就開始我地嘅聖誕大餐喇，一路食一路傾，又飲香賓，又飲紅酒，要揸車嘅只可飲汽水，又講吓佢地Ｄ貓狗經，好開心，最後食埋甜品(J'S師奶自己造嘅蛋糕)，到十二點幾先散會，我仲同大人遊咗一陣車河先番屋企。
準備開餐。
聖誕大餐唔少得嘅五磅火雞。
香茅炸雞翼。
炸春卷。
雜果沙律。
煙鴨胸。
醬鴨舌。
麻醬拌青瓜。
火雞。
口水都流埋。
先同大人合照。
咋帝酙酒比人先....
大人話：你要揸車，冇得飲！
咁就睇吓算數喇！
玖瑰小姐又整蠱Ｄ貓喇！哈哈
大公主要同大姨合照
盤菜(麻麻地)。
皮旦豆腐。
煙三文魚沙律。
炸蟹鉗。
牛柳粒。
紅酒燴牛尾。
香草焗羊架。
白汁芝士焗雜菜。
因為掛住食，所以冇影到相嘅巴東牛肉，咕嚕肉，腊味糯米飯，同埋甜品。
