15-3-2009 星期日
今日因為二公主唔使飛，就約左去佢屋企，大公主要飛所以冇約佢，因路途遠，就早Ｄ起身出發，今次輪到三公主做柴可夫，山長水遠，我可以喺車上恰一陣。
到達屯門已經兩點幾，泊好車就過去兆康苑果間ＸＸ酒樓飲下午茶，二公主嘅未來老公揾定位，所以唔使等位，Ｄ野都幾好食，飽肚後番佢地屋企坐吓，睇吓佢地超貴嘅婚紗相，又同佢Ｄ寵物，三隻狗(妹妹、馬高同十一)，兩隻貓(波波同BB)玩咗一陣，三公主有約所以走先。
到八點約埋佢未來老公森瑪佢媽咪到市中心果間Ｘ金歲Ｘ上海菜館食晚飯，Ｄ餸好咸，麻麻地，但招呼一流，到晚上十點幾，因森瑪媽咪係屯門住，就送咗佢番屋企先，二公又要去深井朋友攞Ｄ野，又順便車埋佢地落去，跟住同大人打道回府，番到屋企都成十一點幾。
由呢道入去。
經過呢條車路就到二公主屋企。
呢度大多數Ｄ家庭都有養狗，(請留意二、三樓)。
鄰近就係屯门兆康苑。
佢屋企就係呢度，二樓連天台。
由騎樓望出對面有古老村屋。
果間唔知乜乜醫院。
屋內上天台之樓梯。
好乖嘅(妹妹)。
大人最痛愛嘅(十一)。
最百厭但最醒目嘅積羅素犬(馬高)。
唔記得咗係乜嘢貓，好似係安哥拉白色長毛貓(波波)。
呢隻係怕羞嘅波斯貓(BB)。
睇吓(波波)瞓得幾過引。
呢間就係位於市中心嘅Ｘ金歲Ｘ上海菜館。
下次黎呢間試下都好喎。
