17-7-2013 (星期三)
今日落足成日雨,釣魚就"542"即係唔使預咁解,喺屋企昂QQ,打開電視轉去廣西衛視台,啱啱做緊一個歌唱比賽,節目,叫做「一聲所愛,大地飛歌」,喺由兩隊歌手鬥唱,評判中有巫啟賢,睇落又幾唔錯,尤其是果位內地女歌手"汪小敏"嘅兩首歌,第一首歌叫做「藤纏樹」同最後果首「身騎白馬」,真係比佢嘅歌聲感動!另外同隊中仲有位女歌手"張冬玲"一首「烏蘇里船歌」就聽出耳油;對手都有位男歌手"滿江"佢唱果首「誰」都係冇得頂。
除咗睇電視就梗係食喇,大人去咗街,得我一條冷,摷吓個雪佢,呀!!有牛扒,咁今晚嘅晚餐就係(西冷牛扒佩茄汁意大利粉)喇。
加杯奶茶直情正到痺。
我煎得件西冷幾靚~D意粉都唔錯。
五成熟,啱啱好。
全部比我掃清,一D都冇嘥!
感謝 白果魚神 提供以上資料
白果魚神的網誌: http://a991952.blogspot.hk/