1-8-2009 (星期六)
今日有個9友，約我同大人上大Ｘ會船上玩一晚，每位收150蚊，我地懷住好奇嘅心態，就跟佢去襯吓！
下午17:30到咗尖沙咀文化中心對出果個碼頭，等駁船出大船，排隊時好多人，仲有好多內地旅行團添，又熱又焗，Ｄ工作人員態度好差，大大聲話【唔係賭錢就唔好上船呀】，心諗我上咗船唔賭錢唔通你會掟我落海牙？
第一班船上唔到，要等一小時後另一班駁船，我就同大人講，不而唔好去囉，咁受氣！大人話嘅然黎咗唔係去睇吓囉！又好........
喺度等駁船上大船，又熱又悶。
卒之上到大船都七點幾，船上嘅職員Ｄ服務態度就幾好，攞好房間，洗過面，就去餐樓食自助餐，食物好普通，我地求其食咗Ｄ野，20:30跟住去睇表演，有鋼管舞同埋人体繪畫，22:00散場，跟住賭場門就大開喇，Ｄ人好似輸唔切咁，衝倒入去，情景真好笑，我地入去參觀咗一陣，就上咗甲板面吹吹海風，因係夜晚，所以冇景睇，24:00開始宵夜，晚餐食唔飽，所以食咗碗麵，大人仲食咗兩碗添，之後返房沖涼瞓覺。
第二朝(星期日)07:00起床梳洗好就食早餐，都係炒麵煎旦之類，再上甲板睇風景。到09:30拿拿聲排頭位，登駁船返尖沙咀，我同大人都話以後都唔會再黎呢Ｄ鬼地方。番到屋企都成十一點幾喇！
早上喺甲板面睇風景。
