3-1-2014 (農曆十二月初三）
呢排成日掛住同乖孫玩，飯局又多，所以少咗去釣魚，今日的起心干去釣番轉。
一早(17:00）就落到主場，諗住釣埋個晚黃；今次Ｄ虾隻隻都好生猛，因為我續隻簡囉，唔生猛都唔要。
先捐入橋底釣陣先，一路都冇魚訊，到起哂流先至上番橋面，初初喺躉頭踎咗成兩粒鐘，都係冇料到，再試吓擺出去流水位度搏殺，擺好個陣就坐定定飲啖水先，呢頭飲緊水，果頭枝竿比魚拉到彎哂，肯定喺我唔留意嘅時候已經食餌，唔係枝竿點會彎得咁犀利吖；一嗱起枝竿都費事抽喇，即時攪咗五六吓，妖～冇力嘅！唔係大野，玩陣先；慢慢將佢收上黎，見條魚得斤零重，撈箕都費事落，成條飛佢上黎，解魚落生扣一腳踢。
再落餌繼續，都有兩三次食餌，不過食得好鬼精，担住打橫走，你以為中咗，一抽就放口，眞係比佢激屎!!
再釣多陣就執埋Ｄ架生鬆人去宵夜喇。
今年第一條魚就係鱸仔斤幾。
好彩有鱸魚。
感謝 白果魚神 提供以上資料
白果魚神的網誌: http://a991952.blogspot.hk/
