22-2-2011 (農曆正月二十) 小小凍
今日唔係好凍，係時侯去主場攞番個頭彩喇，
18:30一條冷落到去，正在起緊流，我用最快
速度開好三枝竿，睇今日有冇運行先![]()
！一路
釣到22:00三枝竿郁都唔郁吓，尤其是沉底果
兩枝。算喇收野走人~收剩枝半水釣鱸果枝竿
喺度搏符轆，其他架生一路慢慢收！
收收吓架生，見釣鱸果枝竿頭慢慢比野拉落去
，我梗係即刻起枝竿，點知條友仔食得好精
，輕輕拉咗幾吓就放口，我收番隻虾上黎，隻
虾比條鱸咬屎咗，嗱嗱聲鈎過隻最生猛嘅虾乸
落去，一放落去唔夠十呎，隻虾就搏晒命咁跳
，跟住一吓沉重嘅拉力，我都唔敢揪住，當佢
第二吓發力嘅時侯，我就黎料喇，重重一野揪
竿，〝中咗〞我一寸都唔比佢，幾吓手腳就上
水面，跟手撈箕上水，解鈎直入冰箱，見頭彩
已攞，見好就收，執埋Ｄ手尾就鬆人囉！
食埋宵夜，番到屋企都成點鐘喇！
![]()
大人瞓咗覺，我又要自拍喇！
呢條花鱸都好肥美，腰背圓潤，過磅兩斤五。
劏好魚，攪惦晒Ｄ野，整番碗(大人煲定等我番
黎食嘅)南北杏木瓜雪耳糖水潤吓先！
感謝 白果魚神 提供以上資料
白果魚神的網誌: http://a991952.blogspot.hk/
