16-2-2011 (農曆正月十四) 大生流
今年嘅頭彩，一樣唔番主場攞，因為對佢冇哂
信心！
晏晝「高橋雪也」約我今晚去【煤橋】釣番轉
，咁就梗係即刻應承佢喇！
18:15到『北角』接埋佢，就往目的地出發喇
。喺『香港仔』買好餌，車番過『鴨脷洲』，
架車又係泊番喺『洪勝碼頭』，上好糧水(鹵水
鵝米)，19:00坐「勝哥」架艇往煤橋。
喺途中又發現呢件新玩具，又梗係「高橋」Ｄ
貴價野喇，呢舊咁嘅野都唔使七千蚊，
『好...平..啫..』!!
唔好望實我，今次冇面比，睇今次係貴架生
贏吖定平架生贏！(上次我Ｄ平野輸咗比佢)
我都係上大樁，「高橋」就梗係五樁嘅。我一跳
上樁就趁啱啱轉流，嗱嗱聲開好架生，冇幾奈，
釣半水果枝竿頭，重重咁比野拉咗一吓，收番上
黎睇，隻蝦得番個頭，嗯~有料到！即刻鈎過隻
生猛Ｄ嘅蝦落去果然快呀吓，放咗都唔夠十呎條
魚就埋尼搶喇！中呀≧≦頭威頭勢，唔同佢玩，
人魚大戰唔使半分鐘就結速，撈箕上水，跟手落
兩個生扣，嗱嗱聲再落餌，睇仲有冇運行至得。
好奈冇中過嘅魚，釣到梗係零舍開心嘅！
得我一個人，影相就要自拍喇！
打個電話過去「高橋」度問戰况，佢就扁哂咀
話連斷兩口，有一口重見係三四斤嘅牛屎添。
跟住落尼，個海又好似冇哂生物咁，水靜河非。
准備執野走果時，釣鱸枝竿又響喇，我輕輕一
帶就中咗佢喇，冇勿力水，好順咁就收咗上黎
，係斤頭小鱸，因為就走，所以直入冰箱。執
好架生，清理好釣場，上艇回航。
今次係【平架生】嬴！花鱸四斤。
一大一細，雙影成趣。
準備劏魚喇。
沖埋凉，食Ｄ野，攪得黎都天光喇！拜拜
感謝 白果魚神 提供以上資料
白果魚神的網誌: http://a991952.blogspot.hk/
