16-11-2010 (農曆十月十一)
高橋約我今晚出南丫煤橋玩番轉，我就梗係
應承佢喇！晚上七點半，落北角兜埋佢，到
鴨脷洲洪勝碼頭泊好車，八點落艇出發。
架艇經過海怡半島。
高橋未食野，整番個便當先！釣魚人都唔知
為乜，有自唔在.........！
一到咗目的地，我就梗係跳上大樁，高橋上
五樁，一上到去嗱嗱聲開枝竿釣鱸，因為上
次中過鱸，諗住食過番尋味，跟住先開兩枝
筏仔打沉底。
到十一點幾停哂流，依然毫無魚訊，剩係釣
埋Ｄ最麻鬼煩嘅泥婆骨鱔，此時高橋來電，
話斷咗條五六斤大鱸。嗯~~轉流就黎料喇
！我金睛火眼吼實幾枝竿，特然我左手便枝
竿響攪，一手執起枝竿，順勢一揪，中呀，
快速攪咗七八吓，跟住一吓輕哂，爆咀走魚
！過咗一陣，輪到釣鱸果枝竿有魚訊喇，一
揪竿己知細野，收上黎原來係一條斤頭馬友
！之後連斷兩口沉底，好彩又中番條班仔(我
尼次唔敢講係勿野班喇)，再中多條細鱗仔。
望吓個錶，又到咗收野嘅時間喇！到咗兩點，
勝記黎接番我地，高橋就中番條兩斤牛屎，
都算好喇。架艇車番鴨脷洲攞 車，再落香港
仔宵夜，食飽飽，送番高橋番北角，自己番
到屋企都成三點幾囉！
擺好個相机自拍，尼條係米黃釘呢？
條細鳞真係好細，大嘅又釣唔到。
釣唔到大鱸，揾番幾條魚仔制旗！
順便出埋呢幾晚嘅魚穫先。
15-11-2010
釣劃仔。
條梳籮幾巨形，足有手板咁大。
17-11-2010
又係釣劃，不過今次係撘條牛鰍。
幾両嘅牛鰍仔。
感謝 白果魚神 提供以上資料
白果魚神的網誌: http://a991952.blogspot.hk/
