18-10-2010 (農曆九月十一)
乘勝追擊，今晚又落主場，我就用千年虾釣沉
底，師傅偉都係用千年虾，不过佢用手繩三磅
絲釣立仔。
21:15左右，我就中魚喇，師傅睇住，梗係唔
衰得喇，佢一食落去，我就揪竿，用標準手勢
，一帶一攪，佢發力我就比幾呎佢走吓，姿勢
仲要正確，好似考試咁。師傅偉話:「釣就釣喇
，唔好扮野，走埋條魚你又瞓唔著覺喇」！我
又點會比佢走吖，三兩吓就將佢收咗上岸，係
斤零重細鱗，落好生扣繼續釣。
过咗一陣，輪到師傅偉中魚喇！只見佢一路
放絲，條魚將條絲帶咗起碼廿呎，跟住埋樁
，即斷！毫無還擊嘅能力！鬼咩~~三磅絲。
佢話條魚起碼三斤以上，爭Ｄ燒手添呀！
再釣多一陣，見冇勿魚訊，齊齊拾野走人喇！
再中細鱗，個人影幅相都酷Ｄ嘅！
感謝 白果魚神 提供以上資料
白果魚神的網誌: http://a991952.blogspot.hk/
