30-4-2010 (農曆三月十七) 生流 温暖
經過前晚中魚之後，今晚食過番尋味，再落主場搏殺。睇過癲人台嘅流水表，全晚都係起大流，所以慢慢都未遲，落到去已經19:30，開好竿師傅偉又來到，我就喺橋面，佢就落橋底，佢落咗去唔夠一分鐘，就見佢上番尼，氣喘如牛，完來又比魚KO咗，佢就手震震咁再挷過釣組，再落過去釣，我就依然喺番橋面呆等。
到咗成22:00見我枝竿頭輕輕點咗幾吓，我就即刻攞起枝竿，點知條魚唔拉落去，反而升水打橫飛埋樁，我比佢特如其來嘅動作嚇一跳，慢一慢就包咗樁，仲貼住樁與樁中間嘅一個千鞦架，見環境咁鬼復習，咁我就緊係唔敢用力拉喇，放慢速度，一拉一放，佢都唔肯出番黎，大家薑持咗三四十秒，我心諗咁樣落去唔多樂觀，就即刻一手持竿，一手拉起個千鞦架，嘩！都幾重架，哈哈！個架一郁，條魚就嚇到標番出尼，離咗樁就易攪啦，佢只係離水面四五呎，見佢唔係好大，我幾吓手勢，就將佢升水，仲要成條飛佢上岸，生扣都费事落，即入冰箱。
又過咗一陣23:00見大家都冇魚訊，都係鬆人嘅時間喇，嗱嗱聲拾埋Ｄ架生，清理好釣場，一齊去宵夜喇喂！
尼條就係精過冇尾蛇，斤零重嘅花鱸仔喇。
