9-3-2014 (第七日)
今日會去呢度嘅「馬拉加太陽海岸區」，跟住會到「直布羅陀」，再往「西維爾」。
早上食過早餐。
見仲未出發，就喺酒店附近行吓！
Yes...........
有冇人知有乜筍野。
呀伯都夠鐘開檔喇！
夠鐘上車出發喇。
唔使半個鐘就出到黎海邊。
嗯!!有人開咗幾枝竿喺度喎～
等我過出辨吓野先。
嘩～Ｄ浪都幾大喎！
咁靚嘅陽光與海灘，喺度嘆番陣先。
行完海灘就上車往「直布羅陀」。
週圍都係種滿橄欖樹。
兩個多小時嘅車程就到咗西班牙同直布羅陀嘅邊境口岸喇，我地落車步行過去海關過境。
過海關時只係揚一吓個護照就過得，好方便；一過咗海關，有Ｄ女士急不及待就集體（五人）入咗個限時嘅收費廁所。
我地醒字派離遠見有個机場喺度，梗係行多兩步過去揾廁所喇。
慢慢去完洗手間，難得黎到「直布羅陀」机場，梗係影番幾幅相先喇。
「直布羅陀」自古以來已經係地中海通往大西洋嘅主要海口，喺軍事上，係兵家必爭之地，喺18世紀初，「直布羅陀」己落入英國人手中，超過300年嘅殖民統治下，如今佢以經成為獨一無二嘅商港。
我地行番出去上車係要經過呢條航机跑道架。
上咗架當地黎接我地嘅小型旅遊巴，首先帶我地去遊覽歐洲嘅最南端（風之角）。
直布羅陀嘅殖民旗。
唔怪得要用小巴喇，因為Ｄ路好窄囉！
黎到全歐洲嘅最南端，一落車以經感到呢度係天之崖，海之角喇，因為Ｄ陣風吹到你企都企唔穩架。
大人比大風吹到條頸巾摭住塊面添！
出去燈塔位Ｄ風仲勁，求其影兩張就算。
行過呢邊就冇咁食風。
可以慢慢欣賞吓Ｄ風景喇～
睇完風景上番車去「聖米高鐘乳洞」參觀。
呢個鐘乳洞唔係好大，一上一落就行哂
洞內設計成一個可以開璌唱會嘅地方，唔使用咪都可以有環迥立體音嘅效果。
唔使一陣就參觀完呢個聖米高鐘乳石洞，我地上番車落山，途中見有好多猴子喺度等食。
我地都有落車睇吓，不過都要小心Ｄ，話哂野獸即係野獸吖嘛。
Ｄ猴子都唔係好多啫，比起香港嘅馬騮山Ｄ猴子就爭得遠囉！
跟住上番車去食中午飯。
好奈未見過嘅英國旗喇。
午餐喺食西式牛扒餐。
呢間餐廳好似開喺Ｄ防空洞裏面咁。
趁未起菜，乘机同班老友影番張合照。
過去睇佢燒Ｄ咩牛扒我食先！
先黎沙律。
再上芝士煱薯條。
主菜係燒牛仔扒。
件牛扒一般喇，熟咗ＤＤ。
甜品都唔錯。
食飽飽就過海關，番過去西班牙。
經過海關時，關員睇都唔睇我Ｄ本護照就過得喎！
由「直布羅陀」過番「西班牙」，上番自己架大旅遊巴就開往下一站「西唯爾」。
行咗大約一小時，就停服務區比我地小休。
曄!!Ｄ麵包好巨形呀～
休息咗陣就上番車繼續行程。
到咗「西唯爾」，呢度曾經係回教王朝嘅首都，係西班牙文藝復興嘅焦點；我地先去參觀全西班牙最大嘅西班牙廣場，唔講咁多，請慢慢欣賞。
參觀完呢個全西班牙最大嘅廣場，再行過去參觀當地嘅鬥牛場。
呢個鬥牛勇士嘅銅像，擺得喺度就梗係有Ｄ來頭嘅！
行番出街都仲有Ｄ鬥牛嘅氣氛。
我地由呢個「瑪莉亞露依莎公園」行過去參觀全世界第三大嘅哥德式教堂「塞維爾大教堂」。
全世界第三大嘅哥德式教堂「塞維爾大教堂」。
又到食晚飯嘅時間，我地都係唔使坐車，只係步行過去餐廳。
今晚係食中餐。
呢個都唔知係乜羮！
炸魚柳。
炒虾仁。
青椒炒牛肉。
紅燒雞。
炒椰菜花。
麻婆豆付。
食飽就番酒店。
攞咗房個個都走番出黎，佳因喺房內上網要收費，仲要好貴，喺大堂上網就免費，而房間外嘅走廊又可以望到大堂嘅，所以米個個都出走廊上網囉！
今晚食唔飽，我同大人都要整碗麵，開罐豆豉鯪魚，再冲杯靚奶茶嘆吓至得喇。
聽日第八日，我地會由西班牙往葡萄牙，欲知詳情，請看下集。
感謝 白果魚神 提供以上資料
白果魚神的網誌: http://a991952.blogspot.hk/
