4-10-2013 (第三天)
我地今日會乘搭港龍15:30嘅航班回港。
早上都係08:30起床，喺酒店餐廳食早餐。
食咗早餐番房執好行理，而乖孫洋洋就喺我房度瞓多
一陣，11:30就退房乘的士往机場。
往机場途中，先去一個叫做「老爸休閒農場」嘅地方
飲杯野，而呢個農場餐廳係開喺机場側邊，乖孫洋洋
又好鐘意睇飛机，所以特登帶佢黎呢度，比佢睇吓飛
机升降。
呢間農場餐廳嘅前身，係一架流動售賣架啡車，依家
個老板係第二代嘅後生仔黎架。
未夠鐘上机，喺度飲杯野，真係唔錯嘅選擇。
洋洋又要飲喎！不過唔係架啡，係蘋果汁黎咋。
我地仲柯打咗個格仔餅食添。
乖孫洋洋仲食到五茲六味添。
我首先帶洋洋去睇吓Ｄ大型飛机板畫。
跟住就同洋洋去睇飛机升降喇！
乖孫即時睇到嘩嘩聲。
同乖孫睇完飛机升降，就叫農場老板同我地call的士
到机場。
拜拜台灣！
好奇嘅洋洋喺候机室跑來跑去。
原來洋洋仲要睇飛机。
洋洋戴帽都好有形喎！
15:30準時登机；机艙服務員先奉上果汁，我同大人就為我地呢次嘅完美旅程飲杯。
16:10起飛，跟住開餐喇！
我嘅美味午餐。
大人嘅美味午餐。
食飽冇事做就影吓相喇。
跟住行去同洋洋玩吓先。
乖孫洋洋對每件新事物都十分之好奇，喺飛机度不停
探索。
經一小時零五分嘅航程，好快就由台灣嘅高雄番到黎
香港喇！
入咗境，我、大人同三公主先送乖孫洋洋同佢媽咪上
咗机鐵，然後我地先坐机場巴士番屋企。
後記:
今次係第一次同乖孫洋洋離開香港出外旅行，過程中
佢都好乖又好開心，我諗下次可以同佢去遠Ｄ囉！
感謝 白果魚神 提供以上資料
白果魚神的網誌: http://a991952.blogspot.hk/
