二公主放大假，約我地兩老同埋三公主，去台灣（高雄）玩幾日，今次最緊要係帶埋乖孫洋洋一齊去玩，三日兩夜嘅行程，主要都係行街街Hea吓，食吓野咁喇！
2-10-2013 (第一天)
果朝早我地同三公主喺08:00到香港國際机場，滙合埋二公主同乖孫洋洋，乘搭港龍航空往高雄。
洋洋第一次見到飛机喺咁近，開心到不得了。
08:50上咗机準備起飛。
呢個早餐真係唔錯。
乖孫洋洋全程都冇扭計，仲瞓覺覺豬添。
10:40到咗高雄机場。
出咗机場，坐的士先去預諚好嘅酒店。
先放低Ｄ行理就出去玩喇。
喺酒店門前影張先。
二公主同三公主對呢度環境都好熟，唔駛我諗行程，一切活動由佢地安排。
一行五人週圍逛吓先。
黃色大鴨黎咗高雄，我地一陣食飽飯就去「愛河」果度睇鴨鴨；見仲未肚餓，先去百貨商場行吓。
洋洋見到Ｄ大南瓜即刻又呱呱叫，仲指手劃腳。
逛完商場就去食午餐喇。
原汁牛肉麵。
鮮蝦餛飩麵。
牛肉捲餅。
鮮蝦湯包(小籠包）。
蟹皇湯包(蟹粉小籠包）。
啱哂大人嘅口味。
乖孫洋洋就食自備嘅食物。
三鮮蒸餃。
加碗小米粥比洋洋嘆吓。
豆漿就任飲免費架！
埋單都係五百五拾五台幣，圍起港紙都係百六蚊，認真低食。
食飽飽就行出海邊（愛河）睇鴨鴨。
呢隻鴨剛剛喺上海擺完，依家就黎咗高雄。
呢隻鴨喺香港我都冇去參觀過，今次都係為咗乖孫洋洋先至順道黎睇。
烈日當空，唔好晒親我個乖孫。
好彩有Ｄ涼風，唔係洋洋就實咋形。
睇完鴨鴨就行番出去，見到有班幼兒園學生都黎參觀。
洋洋見到Ｄ小朋友就開心架喇，想落地同佢地一齊玩。
馬路對面成條街擺咗好多攤檔，都係賣同一樣野，就係(黃色鴨鴨）紀念品。
回酒店途中，有一檔買紅豆餅嘅攤檔，大人梗係要食番兩件喇，我就要奶油餅，三個半港幣一件，又平又正果度先彽讚。
番到酒店攞好房間，沖番個靚涼，休息一陣，乖孫洋洋仲喺我間房玩玩吓瞓著覺添。
到太陽落咗山冇咁熱先至再出動。
出酒店行過少少就係中央公園喇，我地專登喺夜晚黎就係要參觀佢呢度名為「城市光廊」嘅展館。
園內有單車出租。
呢度係地鐵入口。
公園裏面有各色燈光照明。
可惜去到「城市光廊」嘅展館先知道關閉咗。
咁我地為有喺外面影吓相喇！
園內小食亭。
又到食晚飯嘅時候喇。
今次兩位公主帶我地兩老黎呢間，佢地每次黎高雄都會幫襯，叫老四川嘅火煱店打邊爐。
呢間野都好旺吓，我地諚咗八點枱都要等多五分鐘。
乖孫洋洋先黎例牌攪攪震！
先黎Ｄ前菜。
麻棘粉條（薯粉）。
鴛鴦火煱湯料。
麻棘湯料裏面有任食任加嘅豆腐同鴨血！一食落口就記得以前大公主經常買番港比我地食嘅麻棘火煱湯料，就係呢Ｄ喇。
另一邊係藥膳湯料。
等食中....
彈牙蝦膠。
梅花肉。
各色餃子。
呢個帶子就麻麻哋喇！
日本和牛。
粉條（薯粉）。
免費加咗两次豆腐同鴨血，埋單都係2500台幣咋，圍港紙700大元，認真彽食。
食飽飽就慢慢步行番酒店。
番到酒店同洋洋玩咗一陣，佢媽咪就揍番佢過去瞓覺覺豬喇。
台灣Ｄ電視冇乜好睇，我嘆埋杯奶茶都瞓囉！
感謝 白果魚神 提供以上資料
白果魚神的網誌: http://a991952.blogspot.hk/
